बल्खुकाे वितण्डा हेर्नुहोस् २५ तस्बिरमा

तस्बिर : सन्जोग मानन्धर

काठमाडौँ — लगातार वर्षाका कारण उपत्यकाका तीनै जिल्लाका खोला आसपासका क्षेत्र डुबानमा परेका छन् । काठमाडौंको कुलेश्वरमा मनमती खोलाले बगाएर ल्याएको सिलिन्डर निकाल्न जाने क्रममा बाढीले बगाउँदा ३० वर्षीय विनोद चौधरी बेपत्ता भएका छन् । उनको खोजी भइरहेको प्रहरीले जनाएको छ । मनमतीको बाढी बल्खुको बस्तीमा पसेको छ भने कलंकीस्थित मालपोत र ट्राफिक प्रहरीको कार्यालय डुबानमा परेका छन् ।

प्रकाशित : असार २७, २०७६ २०:४१

वर्षापछि आएको पहिरोले पुरिएर काठमाडौं र ललितपुरमा ४ जनाको मृत्यु भएको छ भने एक जना बेपत्ता छन् । काठमाडौंको कागेश्वरी मनोहरा नगरपालिका–६, मूलपानी बाबाचोकस्थित अस्थायी टहरामा बस्दै आएका ३५ वर्षीया शर्मिला यादव, ३० वर्षीया नीतु यादव र १० वर्षीय कुन्दन यादवको मृत्यु भएको हो । अस्थायी टहरामा बस्दै आएका उनीहरूलाई सँगैको घरको पर्खाल ढलेर पुरेको प्रहरीले जनाएको छ ।

प्रतिक्रिया
पठाउनुहोस्

पाल्पाको शिद्देश्वरमा झाडापखालाबाट ६० बढी बिरामी 

माधव अर्याल

पाल्पा — जिल्लाको रैनादेवी छहरा–१ शिद्देश्वरको विभिन्न स्थानमा फैलिएको झाडापखालाबाट ६० बढी बिरामी परेका छन् । शिद्देश्वरको मगरानमा ३५, अर्चलेमा २९ जना बढी बिरामी परेको वडाध्यक्ष सोमबहादुर दर्लामीले बताए । 

तीन दिनदेखि फैलिएको झाडापखालाबाट १४ जनालाई अस्पताल पठाइएको थियो । ४ जना गम्भीर बिरामीको मिसनमा उपचार भइरहेको छ । अगाहा र रिडीमा पनि उपचार भइरहेको छ ।

वडाध्यक्ष दर्लामीका अनुसार बुधवार अर्चलेमा केही व्यक्तिलाई झाडापखाला देखिएको थियो । रैनादेवी छहरा स्वास्थ्य शाखामा बुधवार बेलुकी नै झाडापखालाका विषयमा जानकारी गराएको उनले बताए । सामान्य उपचार गर्दा नभएपछि कतिपय बिरामी तानसेनको मिसन अस्पतालका साथै गुल्मीको रिडी र अगाहामा उपचार गर्न गएका थिए ।

मिसन अस्पतालमा ११ जनालाई उपचारका लागि पठाइएको उनले बताए । मिसन अस्पतालमा उपचार गराइरहेका मध्ये आठ वर्षीय संजीव पन्त र नम्रता ज्ञवालीको अवस्था गम्भीर रहेको वडाध्यक्ष दर्लामीले बताए ।

शुक्रबार गाउँका धेरै बिरामी परेपछि जिल्ला अस्पतालका डाक्टर गगन अधिकारी समेतको टोली उपचारका लागि गाउँमै पुगेको छ । तीन दिनदेखि परेको पानी र ट्यांकीमा दूषित पानी मिसिएको हुन सक्ने स्थानीयले बताए ।

प्रकाशित : असार २७, २०७६ २०:२४
पूरा पढ्नुहोस्
प्रतिक्रिया
पठाउनुहोस्