साताका ७ उत्कृष्ट तस्बिर

कान्तिपुर संवाददाता

काठमाडौँ — यो साता कान्तिपुर डेली डटकममा वर्षापछि सडकमा सवारी चालकले पाएको सास्ती, बसन्तपुरस्थित नौतले दरबारको पुनर्निर्माणमा खटिएका कामदारको तस्बिरहरुले प्राथमिकता पाएका छन् । त्यस्तै भक्तपुरको गँठेमंगल पर्व, जग्गा प्लटिङले काठमाडौंको बुढानिलकण्ठ २ भंगालमा धाराको जग ढल्न लागेको तस्बिर पनि छापिए । जुन तस्बिरहरु पाठकले धेरै रुचाए ।

प्रकाशित : श्रावण १८, २०७६ १८:४४

पुरानो बाटो हुँदै भक्तपुर जाने बाटोअन्तर्गत निकोसेरा खण्डमा जमेको पानीबाट जोखिमपूर्ण यात्रा गर्दै मोटरसाइकल चालक । खाल्डो यति ठूलो भइसक्यो कि साना सवारीसाधनलाई बाटो काट्न धौधौ हुन्छ । अधिकांस मोटरसाइकल चालकहरु फुटपाथ प्रयोग गर्छन् । सडक मर्मत गर्न नगरपालिका कार्यालय, सडक विभाग कार्यालय, खानेपानी विभाग तथा जनप्रतिनिधिहरुलाई पटक पटक आग्रह गरे पनि सुनुवाई नभएको स्थानीयहरु बताउँछन् । तस्बिर : अंगद ढकाल

टेकुस्थित वाग्मती नदीको पुलमुनी जमेको पानीबाट बाटो काट्दै मोटरसाइकल चालक । तस्बिर : इलिट जोशी

गँठेमंगल पर्वको अवसरमा मंगलबार भक्तपुरको दत्तात्रय परिसरमा राक्षस दहनको आगोमा बालकलाई नघाउँदै अभिभावक । बालबालिकालाई रुन्चे नलागोस् र बिरामी नहोउन् भन्ने मान्यताका साथ यसो गरिन्छ । तस्बिर : अंगद ढकाल

बसन्तपुरस्थित नौतले दरबारको पुनर्निर्माणको काममा खटिएका कामदारहरु । तस्बिर : अनिश रेग्मी

ललितपुरको सौगोलस्थित यल लायकु मि: प्वा लाखे पर्व मनाउदै स्थानिय । तस्बिर : सन्जोग मानन्धर

धादिङ गल्छीस्थित त्रिशूली नदीको झोलुङे पुल पार गर्दै युवती । तस्बिर : केशव थापा

ADVERTISEMENT
ADVERTISEMENT
प्रतिक्रिया
पठाउनुहोस्

पहिलो जापान-नेपाल चिकित्सा सम्मेलन

अतुल मिश्र

काठमाडौँ — ‘स्वास्थ्य प्रणालीलाई सुदृढ गर्न जापान–नेपालमैत्री’, नारासहित पहिलो जापान-नेपाल चिकित्सा सम्मेलन शनिबार सम्पन्न भएको छ । जापानी दूतावासको सहयोगमा जापान ग्राजुवेटड मेडिकल डक्टर्स (जाग्राम) ले आयोजना गरेको सम्मेलनमा जापानमा चिकित्साशास्त्र अध्ययन गरी विभिन्न स्वास्थ्य संस्थामा कार्यरत डाक्टर र जापानबाट आएका चिकित्सकको सहभागिता छ ।

जापानमा अध्ययन गरेका डाक्टरहरुले नेपालको चिकित्सा क्षेत्रमा ठूलो योगदान पुर्‍याइरहेको जापानी राजदूत मासामिची साइगोले सम्मेलनको उद्घाटन गर्दै बताए ।

क्षयरोग नियन्त्रणमा नेपाल–जापानको सहयोगबारे सम्मेलनमा डा.यासुहिको सुजुकीले प्रकाश पारेका थिए । यस्तै सम्मेलनमा डा.ओसामु नाकागोमी, डा.हिरोटोमो यामानासी, डा.युको टाकेडा, डा.इको कानेडा, डा.साओरी कासिमा, डा.तोयको नाकागोमी, डा.जिम्वा मासामिनेले समेत स्वास्थ्यका विभिन्न विषयमा प्रस्तुति दिएका थिए ।

जापानमा अध्ययन गरेका डाक्टरहरु वसन्त पन्त, रामेश्वर पोखरेल, नारायणबहादुर बस्नेत, धान्सु केसी, अमित खनाल, वासुदेव पाण्डे, प्रकाश रेग्मी, गोपी अर्याल, योगेन्द्रप्रसाद सिंह, निर्मल पन्थी, मुख्तार आलम अन्सारी, नविन बस्नेत, मिलन गौतम, विमल पन्थी, मनोज बोहरा, प्रविण श्रेष्ठ लगायतका नेपाली चिकित्सकहरुले स्वास्थ्यसम्बन्धी कार्यपत्र प्रस्तुत गरेका थिए ।

प्रकाशित : श्रावण १८, २०७६ १७:३६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT