मुस्लिम महिलाले यसरी मनाए बकर ईद

मनोज पौडेल

कपिलवस्तु — इस्लाम धर्मावलम्वीको दोस्रो ठूलो चार्ड बकर ईद सोमबार मनाइदैँछ । बकर ईदका दिन बुर्का लगाएरै मस्जिद पुगेर महिलाहरु नमाज पढे । बालबालिका देखि बुढपाकासम्मले खुसी साटासाट गरे । अंगालोमा बाँधिएर शुभकामना आदानप्रदान गरे । मुस्लिम अन्तरगतको वाहावी सम्प्रदायका महिलाहरुमात्र नमाज पढ्न मस्जिद जान्छन् ।

प्रकाशित : श्रावण २७, २०७६ ११:२४

कपिलवस्तु नगरपालिका–४ छोट्की तौलिहवामा रहेको इमाम अहमद बिन हम्मल मस्जिदमा ४ सय बढी महिलाले सामूहिक नवाज पढे । महिलाहरुलाई पर्दा लगाएर छुट्टै पढ्ने व्यवस्था गरिएको थियो ।

त्यस्तै कपिलवस्तु–१ बसपार्कस्थित ईदगाहमा अहले सुन्नत सम्प्रदायका मुस्लिमलाई मदरसा नैमुल उलुमका मौलाना अलीहसन नजामीले धार्मिकविधि अनुसार नवाज पढाए ।

ईदको अवसरमा सक्नेले घर–घरमा खसी काटेर खुसीयाली मनाए । सबेरै उठेर स्नान गरी इस्लाम धर्मालम्बी नजिकका ईदगाहमा जम्मा भएका थिए ।

ईदको शुभकामना आदानप्रदान गर्न विभिन्न राजनितीक दलका नेता कार्यकर्ता ईद गाहमै पुगेका थिए । कपिलवस्तु जिल्ला मुलुककै दोस्रो ठूलो मुस्लिम बाहुल्यता भएकाे क्षेत्र हो ।

ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बालुवा निकाल्दा बनाएको खाल्डोमा डुबेर मृत्यु भएका परिवारलाई ५/५ लाख

हरिहरसिंह राठौर

धादिङ — गजुरी–६ स्थित दरिगाल खोलामा बालुवा झिक्न बनाएको खाल्डोमा डुबेर ज्यान गुमाएका परिवारलाई पाँच/पाँच लाख क्षतिपूर्ति दिइने भएको छ । 


एस्काभेटरले खाडल खनेर बनाएको खोलाको ठूलो तालमा डुबेर गत २५ गते ज्यान गुमाएका २ युवाका परिवारलाई क्षतिपूर्ति दिने भएपछि आफन्तले शव पनि बुझेका छन्।

गजुरी–७ भस्मेखर्क का २१ वर्षीय भिमबहादुर तामाङ र २३ वर्षीय सुमन स्याङ्तान गहिरो खाडलमा परेर मृत्यु भएपछि आक्रोशित भीडले तीनवटा एस्काभेटरमा आगजनी गर्दै क्षतिपूर्तिको माग गरेका थिए।

छलफलमा व्यवसायीकातर्फबाट दुवै परिवारलाई ५ लाख दरले क्षतिपूर्ति दिने सहमति गरेपछि मृतकका आफन्तले पोष्टमार्टमपछि शव बुझेर लगेको जिल्ला प्रहरी कार्यालयले जनाएको छ।

घटनाका दिन आगजनीमा उकास्ने आफन्तजनले क्षतिपूर्ति रकम पाए पछि प्रहरीमा आफूहरुले स्काभेटरमा आगजनी नगरेको निवेदन दिएका छन्।

घटनास्थल वरपर आगजनी गरिएका ३ वटा उपकरणका मालिकहरुले कांग्रेसका स्थानीय कार्यकर्ता विमला चेपाङ, भिमसेन भण्डारी, नारायण श्रेष्ठ, राधिका चेपाङ लगायत ९ जनाका नाममा उजुरी दिएका छन्। उक्त आगजनीमा संलग्नहरु बारे छानबिन भैरहेको प्रहरीले जनाएको छ।

प्रकाशित : श्रावण २७, २०७६ ११:०७
पूरा पढ्नुहोस्
प्रतिक्रिया
पठाउनुहोस्