प्रवासद्वारा बिरामीलाई सहयोग

आर्थिक अवस्था कमजोर रहेका कारण उपचारबाट वञ्चित बालिकालाई बचाउन आफूहरू जुटिरहने कुँवरले बताए । उनीहरूले पठाएको ३६ हजार १ सय ८३ रुपैयाँ नागरिक समाजका अध्यक्ष सुन्दरबाबु श्रेष्ठले सोमबार बालिकाको घरमा पुगेर परिवारलाई हस्तान्तरण गरेका छन् ।

धरानस्थित बीपी कोइराला स्वास्थ्य विज्ञान प्रतिष्ठानमा उपचार गर्दै आएका बालिकाका अभिभावकले आर्थिक अभावकै कारण नियमित अस्पताल लैजान नसकेको बताए । बालिकाकी आमा फूलमायाले भावुक हुँदै भनिन्, ‘छोरीलाई बचाउन मन छ तर पैसा नभएपछि नियमित अस्पताल लैजान सकेको छैनौं ।’ विदेशमा रहेका मनकारी नेपालीहरूको सहयोगले छोरीलाई अस्पताल लैजान केही राहत मिलेको बाबु चन्द्रबहादुरले बताए । बालिकाको उपचारका लागि कम्तीमा पाँच लाख रुपैयाँ आवश्यक पर्ने भएपछि बाबु आमा चिन्तित बनेका छन् । धनकुटा नगरपालिका–३ का ६४ वर्षीय गंगाबहादुर दर्जीलाई स्वास्थ्य उपचारका लागि आर्थिक सहयोग स्वरूप ७३ हजार रुपैयाँ विदेशमा बस्नेहरूले जुटाएका छन् । हङकङमा रहेका सुरेश याक्सो लिम्बूको अगुवाइमा दर्जीलाई उक्त रकम उपलब्ध गरिएको छ । संकलित रकम धनकुटा नगरपालिका ३ का वडा अध्यक्ष विकास घिमिरेले हस्तान्तरण गरेका छन् ।