सवारी दुर्घटनामा २ को मृत्यु, ५ जना घाइते

स्काभेटर बोकेर धनकुटातर्फ जाँदै गरेको ना ५ ख १९३६ नं. को ट्रक ब्रेकफेल भएर पल्टिँदा सागुरीगढी-७ का रामजीत राई र वीरबहादुर राईको घटनास्थलमा नै मृत्यु भएको प्रहरीले जनाएको छ । मृतक दुवै जना सडक विभागका सडक सफा गर्ने कर्मचारी रहेको जनाइएको छ ।

दुर्घटनामा रामेछाप मन्थली-७ का ४५ वर्षीय देवकुमार लामा, सहचालक मकवानपुरका सनम तामाड र धादिङका रमेश भण्डारी घाइते भएका छन् । घाइतेको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ ।