ट्रयाक्टर दुर्घटनामा मृतककाे संख्या ३ पुग्याे

मृत्यु हनेको संख्या ३ पुग्यो ।
डिल्लीराम खतिवडा

उदयपुर — सिद्धिचरण लोकर्माग अन्तर्गत कटारी घुर्मी खण्डको गहुबारीमा बुधबार बिहान तेल बोकेको ट्रयाक्टर दुर्घटना हुदाँ मृत्यु हुनेको संख्या ३ पुगेको छ ।

दुर्घटनामा परेर चालक सहित दुईको घटनास्थलमै र अर्का एक गम्भीर घाइते उपचारको क्रममा वयोधा अस्पताल काठमाडौंमा मृत्यु भएको छ। दुर्घटनामा परी अन्य दुई जना घाइते भएका छन्।

Yamaha

कटारीबाट डिजेल बोकेर घुर्मीतर्फ जाँदै गरेको ना ६ ख ३२३१ नम्बरको ट्रयाक्टर कटारी नगरपालिका–११ गहुबारीमा दुर्घटना हुँदा बाराको अमलेखगञ्ज घर भएका २३ वर्षीय चालक पूर्णबहादुर खनाल, सहचालक बारा निजगढका १७ बर्षीय अभिषेक श्रेष्ठ र मकवानपुरको लामाटारका ३१ बर्षीय सरोज मुक्तानको मृत्यु भएको जिल्ला प्रहरी कार्यालय उदयपुरका सूचना अधिकृत प्रहरी निरिक्षक मनप्रसाद श्रेष्ठले बताए।

दुर्घटनामा परेर गम्भीर घाइते भएका भक्तपुरका २४ बर्षीय सुवास तामांग र दोलखा चरिकोटका २५ बर्षीय सुजन गोलेकोराजधानीमा उपचार भईरहेको प्रहरीले जनाएको छ। सडकबाट करिब एक हजार मिटर तल खसेर ट्रयाक्टर दुर्घटनामा परेको थियो।

ब्रेक फेल भएर ट्रयाक्टर अनियन्त्रीत हुदाँ दुर्घटना भएको प्रहरीले जनाएको छ।

Esewa Pasal

प्रकाशित : चैत्र १४, २०७४ १६:०७
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

सुनको मूल्यमा मनपरी

‘झन्डै ४ वर्षयता सुनमा कालो बजारी भइरहँदा पनि प्रहरी प्रशासन मौन छ’
डिल्लीराम खतिवडा

उदयपुर — करिब ४ वर्षयता गाईघाट बजारका सुन व्यापारीले संस्थागत रूपमै मनपरी गर्ने निर्णय गरेको पाइएको छ । व्यपारीको छाता संगठन ‘उदयपुर सुनचाँदी व्यावसायी संघ’ को कार्यसमितिले संस्थागत निर्णय गरेरै प्रतितोला २ हजार ४ सय रुपैयाँ ज्यालाको बहानमा उठाउने निर्णय गरेका हुन् ।

संघले ०७० साल असार १५ गते ‘सुनमा प्रतितोला २ हजार ४ सय रुपैयाँँ लिई काम गर्ने गराउने निर्णय गरेको हो । कार्य समितिले उक्त निर्णय ०७० आसार १९ गते संघमा आबद्ध व्यापारीलाई पत्रचार गरेको थियो । स्थानीय जिल्ला प्रशासन कार्यालयमा दर्ता भएको व्यावसायी संघले प्रशासनलाई भने जानकारीसमेत गराएको छैन । ‘स्थानीय प्रशासन र हामीलाई समेत जानकारी गराइएको छैन,’ त्रियुगा उद्योग वाणिज्य संघ गाईघाटका अध्यक्ष गजेन्द्र भगतले भने, ‘त्यसैले सुनमा मनपरी भएको छ ।’ सुनचाँदी व्यवसायी संघले ज्यालाबापत रकम लिँदा वा मूल्य बढाउँदा स्थानीय प्रशासनलाई जानकारी गराउनुपर्ने उनले बताए ।

प्रहरी र जिल्ला प्रशासनलाई समेत जनकारी नगराउनु भनेको कालोबजारी हो । प्रहरी र प्रशासनको पनि मिलेमतो हुन सक्ने सर्वसाधरणले गुनासो गरेका छन् । ‘झन्डै चार वर्षयता सुनमा कालो बजारी भइरहँदा पनि प्रहरी प्रशासन मौन छ,’ स्थानीय राजेन्द्र कडेरियाले भने, ‘व्यवसायी संघको निर्णय भन्दै सोझै प्रतितोला २ हजार ४ सय रुपैयाँ ठगी गर्दा पनि प्रशासन मौन हुँदा आश्र्चय लागेको छ ।’ मूल्य वा ज्याला निर्धारण गर्दा प्रशासनलाई जानकारी गराउनुपर्ने हुन्छ वा हुँदैन, व्यवसायीलाई प्रशासनले सोध्नुपर्ने उनले बताए ।

वास्तविक ज्याला भने प्रतितोला अधिकतम ८ सय रुपैयाँसम्म लिनुपर्ने उपभोक्ता बताउँछन् । सुन व्यवसायीले प्रहरी प्रशासनसँगको मिलेमतोमा अवैध रूपमा कारोबार भइरहेको उपभोक्ताले बताए । व्यापारीले ज्यालाबाहेक जर्ती १० प्रतिशत जोडेर ग्राहकलाई सुन बिक्री गर्ने गरेका छन् । ‘ज्यालाबापत २ हजार ४ सय रुपैयाँ प्रतितोला ग्राहकसँग रकम लिने गरेका छौं,’ सुनचाँदी व्यवसायी संघ उदयपुरका अध्यक्ष चतुरप्रसाद चौधरीले भने, ‘तोलामा २ हजार ४ सय रुपैयाँ प्लस १० प्रतिशत जर्ती जोडेर सुन बिक्री गरिन्छ ।’

ढिका सुन बिक्री गरियो भने सुनचाँदी व्यवसायी महासंघले तोकेकै मूल्यमा बिक्री गर्ने गरेको उनले बताए । उदयपुर सुनचाँदी व्यवसायी संघमा ४९ व्यापारी (पसल) सदस्य रहेका छन् । त्यसमा ४० वटा गाईघाट बजारमा मात्रै रहेका छन् ।

प्रकाशित : चैत्र ८, २०७४ ०८:३४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT