आगलागीबाट १६ घर नष्ट

चैत्र १८, २०७४रासस

इनरुवा — सुनसरीको सीमावर्ती कोसी गाउँपालिका-६ श्रीपुरजब्दीमा आइतबार भीषण आगलागी भएको छ । श्रीपुरका जगदीस महात्माले गहुँ झाँट्न ल्याएको थ्रेसरबाट सल्केको आगोले १६ घर नष्ट भएको प्रहरीले जनाएको छ ।

आगलागीका कारण करिब रु एक करोड बराबरको क्षति भएको अनुमान गरिएको छ । इनरुवा नगरपालिका, इटहरी उपमहानगरपालिका र भारतको विरपुरबाट आएको दमकल तथा स्थानीयवासी, नेपाल प्रहरी र सशस्त्र प्रहरीको संयुक्त प्रयासमा आगो नियन्त्रण लिएको थियो । यसैबीच, कोसी गाउँपालिका ६ नं वडा कार्यालयले आगलागीपीडितलाई राहत वितरण गरेको छ ।