दुर्घटनामा २ जनाको मृत्यु, ६ घाइते
विराटनगर — मोरङ र सुनसरीमा भएका सवारी दुर्घटनामा दुईजनाको मृत्यु भएको छ । ६ जना घाइते भएका छन् ।
पूर्वपश्चिम राजमार्गको मोरङको बेलबारी नगरपालिका–३ मा पर्ने खण्डमा को २८ प ७४३६ नम्बर मोटरसाइकल अनियन्त्रित भइ रुखमा ठोक्किदा धरानका ३० वर्षीय सञ्जीव विश्वकर्माको बिहीबार राति मृत्यु भएको हो ।
सोही मोटरसाइकलमा सवार धरानकै २२ वर्षीय बिजय विश्वकर्मा गम्भीर घाइते भएको प्रहरीले जनाएको छ । उनको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको छ ।
यसैगरी सुनसरीको भोक्राहामा भएको जिप दुर्घटनामा सप्तरीको रायपुर–६ की एक महिलाको मृत्यु भएको छ । उनको सनाखत हुन नसकेको प्रहरीले जनाएको छ ।
जिपमा सवार धनुषाको भरतपुरका बुद्धलाल विश्वकर्मा, तनहुका अशोक अधिकारी, सप्तरीको रायपुरका पवनकुमार यादव र नाम नखुलेका अरु दुईजना घाइते भएको प्रहरीले जनाएको छ । घाइतेहरुको विराटनगरस्थित स्वास्थ्य संस्थामा उपचार भइरहेको छ ।
प्रकाशित : चैत्र २३, २०७४ ०८:०६
