लागूऔषध र गाँजासहित दुई पक्राउ
धनकुटा — भेडेटार र मुलघाटबाट लागूऔषध र गाजासहित प्रहरीले दुई जनालाई बुधबार पक्राउ गरेको छ । धनकुटा नगरपालिका-७ का २० वर्षीय शरद पाख्रिन लागूऔषध स्याक्स्मो चपकोडा कलोजेट ट्याबलेट ५२, एम्पुल र ३० ग्राम गाजासहित पक्राउ परेको प्रहरीले जनाएको छ ।
पाख्रिनले प्रयोग गरेको को १ ख ५६७३ नम्बरको मोटरसाइलसहित उनलाई प्रहरीले नियन्त्रणमा लिएको थियो ।
यस्तै धनकुटाबाट गाँजा बोकेर धरानतर्फ जाँदै गरेका एक व्यक्ति मूलघाटबाट पक्राउ परेका छन् । सहिदभूमि गाउँपालिका-१ का पासबहादुर राईलाई करिब ६ केजी गाँजासहित पक्राउ गरिएको मुलघाट प्रहरी चौकीका इञ्चार्ज राजेश श्रेष्ठले जानकारी दिए । मोटरसाइकलमा पछाडि सवार राई पक्राउ परे पनि चालक भने फरार रहेको जनाइएको छ ।
प्रतिक्रिया