प्रदेशसभामा सुरक्षा बहस

१२ औं बैठकमा बुधवार विशेष समय लिएर ओखलढुंगाका सांसद मोहनकुमार खड्काले लिखु गाउँपालिका अध्यक्ष गोविन्दबहादुर पौडेलमाथि मंगलबार राति आक्रमण भएको भन्दै सुरक्षामा ध्यान दिन आग्रह गरे ।

सांसद इन्दिरा राईले विराटनगरमा चैत २५ गते विराटनगरको जतुवामा हिन्दु धर्म गुरु आचार्य श्रीनीवासलाई गोली हानिएको घटनाप्रति सदनको ध्यानार्कषण गराउँदै अपराधीलाई पक्राउ गरी कानुनी दायरामा ल्याउन माग गरिन् । उनले युरोपियन युनियनको प्रतिवेदनप्रति आपत्ति जनाउँदै हिन्दु धर्ममाथि चौतर्फी आक्रमण भएको र धार्मिक द्वन्द्व बढाउन केही तत्व सक्रिय भएको भन्दै सरकारलाई सजग रहन आग्रह गरिन् ।

शान्तादेवी पौडेलले श्रीनिवासमाथि भएको हत्या प्रयास प्रति सरकारको ध्यानाकर्षण गराइन् । सदस्यहरूले उठाएका प्रश्नमा आन्तरिक मामिला तथा कानुन मन्त्री हिक्मत कार्कीले जवाफ दिएका थिए ।