हतियारसहित ७ भारतीय पक्राउ
विराटनगर — हतियार र लागूऔषधिसहित प्रहरीले सातजनालाई पक्राउ गरेको छ । भारतीय नम्बर प्लेटका तीनवटा मोटरसाइकलमा सवार ६ जना र अर्का एकजनालाई मंगलबार पक्राउ गरिएको हो ।
पक्राउ पर्नेमा भारत, बिहारको अररियाका रोहितकुमार शर्मा, विनोद यादव, राजाकुमार यादव, नीलमदेवी यादव, प्रकाशकुमार दास, रञ्जितकुमार शर्मा र सुरजनारायण यादव छन् ।
उनीहरुको साथबाट ‘मेड इन यूएसए’ लिखित अटोमेटिक पेस्तोल र गोली, विभिन्न नामका लागूऔषध, ६ वटा मोबाइल र ८१ हजार नेपाली रुपैयाँ प्रहरीले बरामद गरेको छ ।
प्रकाशित : वैशाख १२, २०७५ १९:१२प्रतिक्रिया
