फोटो पत्रकार दिवसमा प्रभातफेरी

फोटो पत्रकारिता पेशामा सम्लग्न सुनसरीका पत्रकारहरु विभिन्न प्ले कार्ड र ब्यानर बोकेर भानु चोकबाट पुतली लाईन,सब्जी बजार, कलेज रोड हुँदै धरान घण्टाघर एवम भुकम्प स्मारक क्षेत्रमा आएर प्रभातफेरीलाई कोणसभामा परिणत गरेका थिए ।

धरानको घण्टाघर परिसरमा जिल्लाका सम्पूर्ण फोटो पत्रकारहरु भेला भई प्रभात फेरी निकालिएको थियो । कोणसभामा सुनसरी फोटो पत्रकार महासङ्घका अध्यक्ष यात्रा थुलुङ्गले विश्वमा पत्रकारितासँगै फोटो पत्रकारिताको महत्व बढेको बताए ।

उनले भने, ‘प्रिन्ट मिडियामा होस वा न्यूमिडिया सबैमा अब पाठक वा दर्शकका लागि फोटो अनिवार्य भएको छ । फोटो विनाको प्रिन्ट मिडिया वा न्यू मिडिया कल्पना गर्नु सकिन्न । फोटोले कुनै पनि घट्नाको वास्तविकता छर्लङ्ग पार्छ ।’