युवकको हत्या, तीन जना पक्राउ
धनकुटा — धनकुटा नगरपालिका–६ स्थित ल्याण्डफिल साइड नजिक शनिबार राति हत्या गरी फालिएको अवस्थामा एक युवकको शव फेला परेको छ ।
मृतक धनकुटा–६ का २८ वर्षीय राजेश श्रेष्ठ रहेको प्रहरीले जनाएको छ । युवकलाई हत्या गरेर सल्लेरी वन रहेको स्थानमा ट्याक्टरमा लगेर फालिएको प्रहरीले जनाएको छ ।
घटनामा संलग्न भएको आशंकामा प्रहरीले तीन जनालाई नियन्त्रणमा लिएको छ । पक्राउ पर्नेमा मृतकका भाई इश्वर श्रेष्ठ, निमबहादुर मगर र ट्याक्टर चालक अनिश श्रेष्ठ रहेको प्रहरी निरीक्षक अञ्जन कोइरालाले बताए । घटनाबारे थप अनुसन्धान भइरहेको कोइरालाले जनाए ।
प्रकाशित : वैशाख ३०, २०७५ ०७:४२प्रतिक्रिया