टिपर दुर्घटनामा सहचालकको मृत्यु
उदयपुर — सिद्धिचरण लोकर्माग अन्तर्गत उदयपुरको कटारी नगरपालिका – ११ ठाटीमा बिहीबार मध्यान्न टिपर दुर्घटना हुँदा सहचालकको मृत्यु भएको छ ।
कटारी बाजारबाट सोलु हाईड्रोको सिमेन्ट बोकेर सोलुखुम्बुु जाँदै गरेको ना ७ ख ६७०६ नम्बरको टिपर दुर्घटना हुँदा सहचालक १८ वर्षीय इन्द्रबहादुर सार्कीको मृत्यु भएको प्रहरीले जनाएको छ ।
दुर्घटनामा परि चालक ३५ वर्षीय शेरबहादुर खत्री गम्भीर घाइते भएको जिल्ला प्रहरी कार्यालय उदयपुरका सुचना अधिकृत प्रहरी निरीक्षक मनप्रसाद श्रेष्ठले जानकारी दिए ।
प्रकाशित : जेष्ठ ३, २०७५ १५:०९प्रतिक्रिया
