सुनसरी — लागूपदार्थ ओसारपसार र बिक्रीवितरण गरेको आरोपमा प्रहरीले आइतबार धरानको तीनकुने चेकपोष्टबाट चारजनालाई पक्राउ गरेको छ । पक्राउ पर्नेहरुमा धरान–१० मुनालचोक बस्ने अल्वर्ट गुरुङ र अनिष तामाङ, धरान–१५ बस्ने नवराज गुरुङ र इटहरी–११ खनार बस्ने अरुण चौधरी छन् ।
उनीहरुको साथबाट प्रहरीले ६ सय ३० एम्पुल नाइट्रोजेपाम, १ सय ४० एम्पुल नाइट्रोसन र सात बोतल डाइलेक्स बरामद गरेको छ । उनीहरुलाई अनुसन्धानका लागि हिरासतमा राखिएको छ ।