वडाध्यक्षको घरमा बम विष्फोट, २ जना घाइते
दमक — झापाको दमक नगरपालिका–७ का वडाध्यक्ष भीम पौड्यालको घरमा बम विष्फोट भएको छ । अज्ञात समूहले आइतबार राति पौड्यालको घरमा बम विष्फोट गराएको हो ।
राति पौने ९ बजे भएको विष्फोटमा परी दुई जना घाइते भएका छन् ।
इलाका प्रहरी कार्यालय दमकका अनुसार बमको छर्रा लागेर तिलोचन पोखरेल र सेमु राई घाइते भएका छन । हात, खुट्टामा चोट लागेका उनीहरुको स्थानीय लाइफ लाइन अस्पतालमा उपचार भइरहेको छ ।
विष्फोटबारे अनुसन्धान जारी रहेको प्रहरीले जनाएको छ ।
प्रकाशित : जेष्ठ ७, २०७५ ०७:५२प्रतिक्रिया