मृगलाई हानेको गोली लागेर मृत्यु

शनिबार २७ वर्षीय योगेन्द्र पौडेलको गोली लागेर घटनास्थलमै मृत्यु भएको प्रहरीले जनाएको छ ।

स्थानीय चकेन्द्र अधिकारीले नजिकै जंगलमा आएको मृगलाई गोली हान्ने क्रममा पौडेललाई लागेको थियो । उनीहरु तीन जनाको समुहमा सिकार खेल्न गएका थिए ।

घटना लगत्तै गोली प्रहार गर्ने अधिकारीलाई मुडे प्रहरी चौकीले नियन्त्रणमा लिएको प्रहरी निरीक्षक बेदप्रसाद गौतमले बताए ।