विद्युत गृह पुरिँदा बिजुली अवरुद्ध

कान्तिपुर संवाददाता

संखुवासभा — चैनपुर नगरपालिका १ मा पर्ने याङ्सीजुङमा पहिरोले लघु जलविद्युत योजनाको संरचना पुरिएपछि बिजुली अवरुद्ध भएको छ ।

साउन पहिलो साता पहिरोले निदुवा खोला लघु जलविद्युत् आयोजनाको संरचना पुरेको थियो।

Yamaha

यहाँबाट १२ किलोवाट बिजुली उत्पादन हुँदै आएको थियो। पहिरोले विद्युतगृह पुरिएपछि बिजुली आपूर्ति ठप्प छ। लघुजलविद्युत आयोजना बगाउँदा करिब ४५ लाख क्षति भएको आयोजनाका पूर्वअध्यक्ष लक्ष्मीकुमार लिम्बूले बताए।

बिजुली आपूर्ति बन्द भएपछि १ सय २३ घरका बासिन्दा प्रभावित छन्। स्थानीयको सक्रियतामा पहिरोले पुरिएका टर्बाइन, जनेरेटर जस्ता केही उपकरण बाहिर निकालिए पनि काम नलाग्ने अवस्थामा रहेको लिम्बूको भनाइ छ।

‘पहिरोले आयोजनाको कुलो पनि बगाएको छ, उनले भने, ‘समस्यामा परेका छौं, यहाँ केन्द्रीय प्रसारण लाइन पुगेको छैन।’ आयोजनाको सुरक्षाका लागि लगाएको ग्याभिङसहित ३ सय ५० जाली पनि पहिरोले बगाएको छ। २०६७ मा तत्कालीन जिल्ला विकास समिति, ऊर्जा विकासको अनुदान र स्थानीयको लगानीमा लघु जलविद्युत् योजना सञ्चालनमा ल्याएका थियौं,’ उनले भने, ‘अब लगानी कहाँबाट जुटाउने पत्तो छैन।’

त्यसबेला ऊर्जा विकासको ११ लाख ६९ हजार, जिविसको २, अन्य सहयोगी र स्थानीय उपभोक्ताबाट रकम संकलन गरी करिब ३० लाखमा बिजुली उत्पादन गरिएको थियो। योजनाले बेलुकी ५ देखि बिहान १० बजेसम्म दैनिक बिजुली दिँदै आएको थियो।

‘यहाँ केन्द्रीय प्रसारण लाइन कहिले आउने थाहा छैन, गाउँमै सानो भए पनि उत्पादन गरेको बिजुली बगायो, फेरि पहिलेझैं कष्टकर जीवन बिताउनु पर्नेभयो,’ उनले भने, ‘यसको मर्मत स्थानीय तह र सांसदले गरिदिनुपर्छ।’

गाउँ अन्धकार भएपछि आयोजना पुनर्निर्माणका लागि चैनपुर नगरपालिकासहित सहयोगी निकायको खोजीमा उपभोक्ता लागेको लाक्पासाङ्गे शेर्पाले बताए। जनप्रतिनिधिलाई उनीहरूले सहयोगको अपिलसमेत गरेका छन्।

Esewa Pasal

प्रकाशित : श्रावण १३, २०७५ २०:०३
ADVERTISEMENT
प्रतिक्रिया
पठाउनुहोस्
ADVERTISEMENT

युवा जागरणको कार्यसमिति विस्तार

कान्तिपुर संवाददाता

काठमाडौँ — युवा जागरण अभियानको कार्यसमिति विस्तार गरिएको छ । अध्यक्ष चिन्तन पौडेलले जारी गरेको प्रेस विज्ञप्ति अनुसार जागरणको उपाध्यक्षमा डा. सुभाषचन्द्र यादव र प्रकाश राना छन् । 

यस्तै सदस्यहरुमा मिथिलेश मिश्र, शिव दाहाल, ईश्वरबहादुर विष्ट, लालबहादुर जिसी, सागर शाक्य, भुवन भट्ट, पुनम लामा, सञ्जीवकुमार यादव, अर्जुन बम र सेतेमान तामाङ रहेका छन् ।

प्रकाशित : श्रावण १३, २०७५ २०:०३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT