प्रतिबन्धित रक्सीसहित ७ पक्राउ 

प्रदीप मेन्याङ्बो

सुनसरी — प्रतिबन्धित रक्सी भन्सार छलेर भारतको विहार लैजाँदै गर्दा ६ भारतीय नागरिकसहित ७ जनालाई शुक्रबार प्रहरीले पक्राउ गरेको छ । उनीहरुको साथबाट १ लाख २९ हजार ७ सय ५० रुपैयाँको विभिन्न ब्रान्डको रक्सी बरामद गरेको प्रहरीले जनाएको छ ।

उनीहरु सुनसरीको देवानगन्ज गाउँपालिका–४ स्थित नेपाल-भारत सिमानाबाट पक्राउ परेका हुन्।

Yamaha

भारततर्फ लैजानका लागि नेपालतर्फको भूभागमा बोराले छोपेर राखेको अवस्थामा रक्सीका कार्टुन बरामद गरिएको प्रहरीले जनाएको छ। उनीहरुको साथबाट प्रहरीले नम्बर नखुलेको दुइथान मोटरसाइकल पनि बरामद गरेको छ।
पक्राउ पर्नेहरुमा सुनसरीको देवानगन्ज-२ बस्ने अमरकान्त यादव, भारतको अररियाको नवावगन्ज बस्ने विप्लव यादव, विकासकुमार शर्मा, सुवास यादव, सरद यादव, विकास यादव र श्रवणकुमार यादव रहेका छन्।

यसैगरी, प्रहरीले सुनसरीको हरिनगराबाट भारतबाट भन्सार छली ल्याएको ९३ हजार ९ सय ८० रुपैयाँको कपडा र सुर्ती पनि बरामद गरेको जनाएको छ। ती सामान ल्याउनेहरु प्रहरी देख्नासाथ भारततिर भागेका थिए। बरामद सबै सामान सुनसरी भन्सार कार्यालय कोसी व्यारेज पठाइएको छ।

प्रकाशित : श्रावण १८, २०७५ १८:२३
ADVERTISEMENT
प्रतिक्रिया
पठाउनुहोस्
ADVERTISEMENT

राप्रपाले भन्यो- ‘संवैधानिक अंगमा नियुक्तिको पद्धति त्रुटिपूर्ण’

रासस

काठमाडौँ — राष्ट्रिय प्रजातन्त्र पार्टीले संवैधानिक परिषद्ले सिफारिस गरेको व्यक्ति संसदीय सुनुवाइ विशेष समितिबाट अस्वीकृत हुनाले संवैधानिक अङ्गमा नियुक्तिको पद्धति नै त्रुटिपूर्ण र असफल प्रमाणित भएको बताएको छ । 

प्रस्तावित व्यक्तिको योग्यता, दक्षता र क्षमताको मूल्याङ्कन गर्ने र निर्णय गर्ने समितिको क्षेत्राधिकार भए पनि यसले आगामी दिनमा कैयन् संवैधानिक र राजनीतिक जटिलता सिर्जना गर्न सक्ने सुनिश्चित रहेको धारणा प्रचार विभाग प्रमुख मोहन श्रेष्ठले विज्ञप्तिमार्फत जनाएका छन् ।

प्रकाशित : श्रावण १८, २०७५ १७:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT