प्राथमिक स्वास्थ्य केन्द्रमा भिडियो एक्स-रे सेवा

केन्द्रले लालीगुराँस नगरपालिका बसन्तपुरको १२ लाख रुपैयाँको सहयोगमा उपकरण खरिद गरी शनिबारबाट सेवा सुरु गरेको हो ।

केन्द्रमा भिडियो एक्स-रे सेवा सुरु भएपछि तेह्रथुमसहित धनकुटा, संखुवासभा र ताप्लेजुङदेखिका बिरामी सेवा लिन आएको केन्द्रका डाक्टर प्रफुल्ल गुरुङले बताए । शनिबार पहिलो दिन २० जना बढी बिरामीले सेवा लिएको केन्द्रले जनाएको छ । नगरपालिकाको आर्थिक सहयोगमा ल्याव, एसी, ईसीजी, भिडियो एक्स-रे लगायतका सेवा एकै साथ सुरु गरिएको डाक्टर गुरुङले बताए ।

दुई वर्षअघि जिल्ला अस्पताल तेह्रथुमले जिल्लामै पहिलोपटक भिडियो एक्स-रे सेवा सुरु गरेको थियो ।