औद्योगिक समस्या समाधानमा सरकार गम्भीर : प्रधानमन्त्री

कार्यदल बनाएर समस्याको अध्ययन गरिने
माधव घिमिरे

विराटनगर — प्रधानमन्त्री केपी ओलीले औद्योगिक–व्यापारिक क्षेत्रका समस्या समाधान गर्न सरकार गम्भीर रहेको बताएका छन् । प्रधानमन्त्री निवास बालुवाटारमा उद्योगी–व्यवसायीसँगको भेटमा उनले शनिबार सो कुरा बताएका हुन् ।

‘निजी क्षेत्र र सरकार दुई होइन एउटै पाटा हुन्, हामी सबै समस्या क्रमिक रुपमा समाधान गर्नेछौं,’ प्रधानमन्त्रीको भनाइ उद्धृत गर्दै भेटमा सहभागी उद्योग संगठन मोरङका अध्यक्ष भीम घिमिरेले भने, ‘तत्काल समाधान गर्नुपर्ने काम तुरुन्तै र दीर्घकालिन रुपमा गर्ने कार्य नीति नियम परिवर्तन गरेर गर्छौं ।’

प्रधानमन्त्री ओलीले निजी क्षेत्रसँग सहकार्य गर्न सरकार तयार रहेको भन्दै असल साझेदारका रुपमा काम गर्ने बताएका थिए । यसका लागि एउटा कार्यदल बनाउने प्रतिवद्धता प्रधानमन्त्रीले व्यक्त गरेको घिमिरेले बताए ।

कार्यदलमा उद्योग संगठन मोरङका र मोरङ व्यापार संघका अध्यक्षसमेतको सहभागिता हुने भएको छ । कार्यदलले सबै समस्या समाधानका लागि गर्नुपर्ने विवरण पेस गरेपछि समाधानका लागि पहल थाल्ने सहमति भएको संघका अध्यक्ष पवन सारडाले बताए ।

भेटका अवसरमा पूर्वप्रधानमन्त्री पुष्पकमल दाहालले उद्योग–व्यवासाय क्षेत्रमा देखिएका समस्या समाधानमा सरकार गम्भीर रहेको बताएका थिए । समस्या समाधान गर्दै अघि बढेर जिम्मेवार भई आर्थिक विकासमा मद्दत गर्नुपर्ने उनले बताएका थिए ।

करिब तीन घन्टा भएको छलफलमा उद्योग–व्यापार क्षेत्रका प्रतिनिधि, मन्त्रीहरु, सभासदहरु, विभिन्न मन्त्रालयका सहसचिव, विद्युत प्राधिकरणका पदाधिकारीलगायतको सहभागिता थियो ।

ब्यापार संघ अध्यक्ष सारडाले निजी क्षेत्र सरकारसँग काँध मिलाएर काम गर्न तयार रहेको बताएका थिए । संगठनका अध्यक्ष घिमिरेले उद्योगी ब्यवसायीको तर्फबाट संयुक्त रुपमा तयार पारिएको समस्या, सुझाव र अपेक्षासम्बन्धी सुझाव प्रतिवेदन पढेर सुनाएका थिए ।

प्रकाशित : श्रावण २०, २०७५ १३:२३
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

एनआईईसीले ‘अष्ट्रेलिया र न्युजिल्यान्ड एजुकेशन फेयर’ गर्दै

कान्तिपुर संवाददाता

काठमाडौँ — नेपाल इन्टरनेसनल एजुकेसनल कन्सल्टेन्सी (एनआईईसी)ले अष्ट्रेलिया र न्युजिल्यान्ड एजुकेशन फेयर संचालन गर्ने भएको छ ।

विदेशमा उच्च शिक्षा अध्ययन गर्न चाहने विद्यार्थीहरुका लागि लक्षित उक्त मेला यहि साउन २१ गते एनआईईसीको केन्द्रिय कार्यलय पुतलीसडकस्थित शेयर मार्केट कम्प्लेक्स भवनमा आयोजना हुनलागेको हो । विगत १८ वर्षदेखि वैदेशिक उच्च शिक्षाका लागि परामर्श सेवा प्रदान गर्दै आएको एनआईईसीको यस शैक्षिक मेलामा अस्ट्रेलिया र न्युजिल्यान्डका २० भन्दा बढी विश्वविद्यालय, कलेज तथा इन्स्टिच्युटहरुको सहभागिता रहने छ ।

विद्यार्थीले प्रत्यक्ष रुपमा त्यहाँबाट आउने प्रतिनिधिहरुसँग आफ्नो जिज्ञासा राख्न पाउने एनआईईसीकी प्रवन्ध निर्देशक सपना राजभण्डारीले बताइन् ।

प्रबन्ध निर्देशक राजभण्डारीकोअनुसार मेलामा सम्बन्धित देशको जीवनशैली, कानुनी प्रावधान, विश्वविद्यालयको शैक्षिक तथा भौतिकपूर्वाधार, शुल्क, छात्रवृत्ति, विश्वविद्यालयमा उपलब्ध विषयको छनोट आदि लगायतका महत्वपूर्ण जानकारीहरु सहजै प्राप्त हुनेछ ।

मेलामा आईएलटिएसबारे जानकारी दिन ब्रिटिस काउन्सिलका अधिकारीको पनि उपस्थिती हुने छ । यस्तै पार्टनर बैंकहरु सिभिल बैंक र एनएलआईसिसिलगायतको पनि सहभागिता हुनेछ ।

प्रकाशित : श्रावण २०, २०७५ १३:१३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT