डेढ वर्षमा बन्ने भनेको भवन १० वर्षमा बन्यो

विनोद भण्डारी

विराटनगर — डेढ वर्षमा निर्माण पुरा गर्ने सर्तमा दशकअघि निर्माण सुरु भएको पथरी प्राथामिक अस्पतालको भवन बल्ल निर्माण पुरा भएको छ ।

पथरी प्राथामिक अस्पतालको १ करोड १४ लाखको लागतमा निर्मित नयाँ भवन ।  तस्बिरः विनोद भण्डारी/कान्तिपुर

स्थानीय दर्जन समाजसेवीले साढे १२ कठ्ठा जमिन अस्पताललाई निशूल्क उपलब्ध गराएपछि सरकारले त्यहाँ २०६७ सालमा दुईतले भवन निर्माण सुरु गरेको थियो ।

Yamaha

भवन निर्माणका लागि एमके कन्स्ट्रक्सनलाई १ करोड १४ लाखमा ठेक्का दिएको थियो । तर ठेकेदारले काम सुरु गरेर बीचमा काम बन्द गर्दा निर्माण पुरा हुन लामो समय लागेको हो ।

ठेक्का लिएको काम समयमा पुरा नगर्ने र काम नगर्ने ठेक्दारलाई सरकारले कारबाहीको निशानामा राखेपछि पछिल्लो समय ठेक्दारले झटपट काम पुरा गरेर एकसाताअघि भवन हस्तान्तरण गरेको पथरी नगरपालिकाका स्वास्थ्य संयोजक मुरारी आचार्यले बताए ।

यो सँगै निर्माण सुरु गरिएको डाँगीहाट र कटहरीको स्वास्थ्य चौकीको भवन क्रमश ६ महिना र एकवर्ष पहिला निर्माण भइसकेको छ ।

पथरी प्राथामिक अस्पतालको १६ कोठा भएको दुई तले नयाँ भवनमा अस्पतालसहित बर्थिङ सेन्टरपनि सञ्चालन गर्ने नगरपालिकाको योजना छ ।

स्वास्थ्य संयोजक आचार्यका अनुसार पथरीको जनसंख्याका आधारमा यस अस्पतालमा तत्काल १५ बेडको व्यवस्था गर्ने तयारी छ ।
पथरीको जनसंख्या बढेसँगै अस्पताललाई ५० शैयाको बनाउने तयारी भइरहेको छ ।

प्रकाशित : श्रावण २२, २०७५ १४:५०
प्रतिक्रिया
पठाउनुहोस्
ADVERTISEMENT
ADVERTISEMENT

चिटिक्क चैनपुर

बसन्तप्रताप सिंह

बझाङ — बझाङको सदरमुकाम चैनपुर भौगोलिक अवस्थितिका हिसाबले सुदुरका पहाडी जिल्लाहरु कै सुन्दर सदरमुकाम भनेर चिनिन्छ । तीनतीरबाट सेती नदी र बाहुलीगाड खोलाले घेरिएको यो उपत्यका बर्खा याममा झनै सुन्दर देखिन्छ ।

मनसुन सुरु भएसँगै दिनहुँ जसो छिन्‌छिन्‌मा कुहिरो लाग्ने छिनमै घामलाग्ने गरेको दृष्य साँञ्चिकै हेर्न लायक हुन्छ । जताततै हरियाली छाएको यो मौसममा सदरमुकाम आसपासका गाउँहरु पनि उत्तिकै सुन्दर देखिन्छन् ।

जिल्लाबाहिरबाट सदरमुकाम आउनेहरु बर्खामासको हरियाली र किसानहरुको जनजिवन हेर्नका लागि नजिकका गाँउ तिर घुम्न जाने गर्दछन् । यस समयमा जिल्लाका अधिकांश किसानहरु आफ्ना चौपाय लिएर लेकमा रहेका खर्कहरुमा अल्पकालीन बसाई सर्ने गर्दछन् ।

तीब्र सहरीकरणका कारण पछिल्लो समय सदरमुकाम चैनपुरका मलिला फाँटहरु घरले भरिन थालेका छन् । आधुनिक घरहरु निर्माण गर्ने होडबाजीका कारण परमस्परागत शैलीका घरहरु लगभग विस्थापित भइसकेका छन् ।

प्रकाशित : श्रावण २२, २०७५ १४:२६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT