विराटनगर — सुनसरीको दुहबी नगरपालिका ३ मा करेन्ट लागेर एक बालिकाको मृत्यु भएको छ । स्थानीय रमेश कलवारकी ९ वर्षीया छोरी साक्षीलाई आफ्नै घरमा बिजुली सर्ट भएर करेन्ट लाग्दा मृत्यु भएको प्रहरीले जनाएको छ ।
उता, झापाको शिवसताक्षी नगरपालिका ८ मा पानी जमेको खाल्डोमा डुबेर एक बालकको मृत्यु भएको छ । घरनजिकै रहेको खाल्डोमा डुबेर स्थानीय लक्ष्मण तामाङका १३ वर्षीय छोरा आशीषको मृत्यु भएको प्रहरीले जनाएको छ ।