छोरीलाई बलात्कार गरेको आरोपमा बाबु पक्राउ

४० वर्षीय बाबुले आफ्नो १७ वर्षकी छोरीलाई बलात्कार गरेको प्रहरीले जनाएको छ । छोरीले दिएको उजुरीको आधारमा बाबुलाई पक्राउ गरिएको प्रहरी नायव उरीक्षक ज्ञानेन्द्र बहादुर बस्नेतले बताए ।

दोभान इलाका प्रहरी कार्यालयबाट खटिएको प्रहरी टोलीले आरोपित बाबुलाई पक्राउ गरी बुधबार करणी सम्बन्धि मुद्दा दर्ता भएको बस्नेतले वताए ।

सहोदर आमाको मृत्युपश्चात कान्छी आमा लिएर बसेका बाबुले पटक/पटक बलात्कार गरेको जाहेरीमा उल्लेख छ ।

पछिल्लो पटक साउन ५ गते बलात्कार गरेको पीडितले दाबी गरेकी छन् । पछिल्लो पटक कान्छिआमा माइती गएको मौकाछोपी बलात्कार गरेको दाबी गरिएको छ ।

अरुलाई सुनाउन हिम्मत नभएकाले पीडा लुकाएर बसेकी उनले पछिल्लो पटकभने जिल्ला प्रहरी कार्यालयमा आफैं गएर उजुरी दिएकी थिइन् ।