फक्तालुङ गाउँपालिका ६ लेलेप लावाजिनका रामकुमार राईलाई भस्मे नफाँडी जीविका चल्दैन । सदरमुकाम फुङलिङवाट डेढ दिनको पैदलमा घर भएका उनी भस्मे फाँडेर पहिलो वर्ष मकै छर्छन् ।त्यही वर्ष चिराइतो लगाउँछन् । बाली लगाउने महिनाचाहिँ अन्तर हुन्छ ।
मानव स्वास्थ्यलाई हानि पुर्याउने ‘कोलीफर्म’ भएको पानी बजारमा छ्यापछ्याप्ती बिक्री भइरहेको छ । कोलीफर्म पाइएको कतिपय उद्योगहरूले समेत उत्पादन गरेर पानी बजारमा बिक्री गरिरहेका छन् ।
विराटनगरस्थित विराट मेडिकल कलेज टिचिङ हस्पिटलमा चिकित्सकको लापरबाहीले बिहीबार उपचारका क्रममा प्रसूतिको बिरामी मृत्यु भएको आरोप लागेको छ ।पीडित परिवारले उपचारमा संलग्न चिकित्सकलाई सार्वजनिक गरेर कारबाही गर्नुपर्ने माग गर्दै आन्दोलनमा उत्रेपछि अस्पताल तनावग्रस्त भएको हो । अस्पतालमा परिससरमा होहल्ला गर्दै आन्दोलनमा उत्रेपछि व्यापक सुरक्षाकर्मी परिचालन गरिएको छ ।
सिद्धिचरण नगरपालिका २, ठूलाछापकी देवकुमारी कटवाल लडेर घाइते भइन् । उनको मेरुदण्डमा चोट थियो । अस्पतालले महिना दिनभन्दा बढी आराम गर्न परामर्श दिएपछि खेती गर्ने मौसममा उनलाई पर्नु पीर पर्यो । उनका पतिले श्रीमती आबद्ध आमा समूहलाई ‘अब कोदो रोप्न सहयोग गरे गर्नुस् नत्र त मैले कमण्डलु बोकेर माग्न हिँड्नुपर्ने भो’ भने ।
तमोर तटीय क्षेत्रका खडेरीबाट प्रभावित किसानलाई छथर गाउँपालिकाले क्षतिका आधारमा राहत दिने भएको छ । मध्य बर्खामा समेत खडेरी लागेर अन्न बाली र फलफूल सुकेपछि किसानले गाउँपालिसँग सहयोग मागेका थिए ।
धरान उपमहानगरले सेवाग्राहीबाट लिने विभिन्न सिफारिस र अनुमति शुल्क दस्तुरको दर २० रुपैयाँदेखि १ लाखसम्म तोकेको छ । साउनदेखि नै लागू हुने गरी यस्तो शुल्क तोकिएको हो ।सवैभन्दा कम दस्तुर निवेदन फारामको २० रुपैयाँ छ ।
जिल्लाका तीनवटै विमानस्थल अवरुद्ध भएपछि यात्रुले सास्ती बेहोर्नुपरेको छ । दुइटा विमानस्थलमा कालोपत्रे र एउटा विमानस्थलमा पहिरोले क्षति पुर्याएपछि हवाईसेवा अवरुद्ध हुँदा यात्रुले सास्ती बेहोर्नुपरेको हो ।
वीपी कोइराला स्वास्थ्य विज्ञान प्रतिष्ठानलाई चिकित्साशास्त्र अध्ययन, अनुसन्धान र बिरामी उपचारका लागि विश्वविद्यालयका रूपमा स्थापित गर्न सकिने सरोकारवालाले बताएका छन् ।
विराटनगरका ११ वटा ‘पानी उद्योगका पिउने पानीमा मानव स्वास्थ्यका लागि हानिकारक ‘कोलीफर्म’ पाइएको छ । गंगाजल उद्योग विराटनगर ५, गोमारानी उद्योग विराटनगर ४, पूजा फुड एन्ड वेभरेज इन्डस्ट्रिज प्राली विराटनगर ६, तिरुपति जल उद्योग विराटनगर–२, माउन्टेन वाटर इन्डस्ट्रिज विराटनगर–११ ले उत्पादन गरेको पिउने पानीमा कोलीफर्म पाइएको हो ।
