२४ औं तामाङ प्रसारण दिवस मनाइयो

कान्तिपुर संवाददाता

धनकुटा — २४ औं तामाङ प्रसारण दिवसको अवसरमा धनकुटाको हिलेमा तामाङ पत्रकार संघको प्रदेशस्तरीय भेला सम्पन्न भएको छ ।

तामाङ पत्रकार संघको आयोजनामा आयोजित भेलामा १ नं.प्रदेशका १४ जिल्लाका पत्रकारको सहभागिता रहेको छ । धनकुटा नगरपालिकाका प्रमुख चिन्तन तामाङले उद्घाटन गर्दै सञ्चारजगत् आवाजविहीनको आवाजको मान्यताले सार्थकता पाउन जोड दिए । उक्त अवसरमा संघका केन्द्रीय महासचिव बुद्ध योञ्जनले पत्रकारका अधिकार तथा पेसागत सुरक्षा प्रत्याभूत गराउन श्रमजीवी पत्रकारको एकता जरुरी रहेको बताए ।

Yamaha


भेला आयोजक समिति संयोजक तथा संघका केन्द्रीय सदस्य विश्वराज तामाङ, पत्रकार महासंघका पूर्वकेन्द्रीय उपाध्यक्ष सञ्जयसन्तोषी राई, सहसंयोजक मानवी तामाङ, तामाङ घेदुङका केन्द्रीय सदसय लालचन्द्र गोङ्बा, जिल्ला अध्यक्ष सीताराम तामाङ, पाख्रिबास नगरका अध्यक्ष जयन्द्र घिसिङलगायतले भेलाको सफलताको शुभकामना दिए । उक्त अवसरमा धनकुटाका पत्रकार सन्तवीर लामा र उदयपुरका ईश्वर तामाङलाई सम्मान गरिएको थियो ।

प्रकाशित : भाद्र १, २०७५ १९:३८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

कलंकीको अण्डरपास आजदेखि सञ्चालनमा

तस्बिर : इलिट जोशी

काठमाडौँ — नेपालको पहिलो कलंकी अण्डरपास सञ्चालनमा आएको छ । अण्डरपास सञ्चालनमा आएसँगै उपत्यका बाहिरिने र भित्रिने प्रमुख नाका कलङ्कीमा कम जाम हुने विश्वास गरिएको छ ।

चार लेनको अण्डरपासमध्ये आजदेखि दुई लेन खुला गरिएको चक्रपथ सुधार आयोजना प्रमुख प्रकाश भण्डारीले जानकारी दिए ।

'दुई लेनमा निर्माण सामग्री राखिएकाले पञ्छाउन एक महिना लाग्छ, एक महिनापछि अण्डरपास चार लेनमै चल्छ, अण्डरपासमा सवारी चालकलाई बानी पार्न एक हप्ता लाग्ने विश्वास गरिएको छ,' उनले भने ।

चीन सरकारको आर्थिक सहयोगमा कोटेश्वर–कलङ्की सडक विस्तारअन्तर्गत अण्डरपास निर्माण भएको हो । साउन पहिलो सातामै खोल्ने भनिए पनि निर्माण सम्पन्न नभएकाले अण्डरपास खोल्न समय लागेको थियो ।

अण्डरपास सञ्चालनमा ल्याउँदा सडक विभागले कुनै औपचारिक कार्यक्रम भने गरेन । परीक्षणका रुपमा सडक खोलिएकाले पछि औपचारिक कार्यक्रम गर्ने आयोजना प्रमुख भण्डारीले बताए ।



प्रकाशित : भाद्र १, २०७५ १९:२१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT