१८.१२°C काठमाडौं
काठमाडौंमा वायुको गुणस्तर: १२४

हत्या गरी फालिएको शव फेला

सुनसरी — सुनसरीको बराहक्षेत्र नगरपालिकास्थित काेशी किनारमा विभत्स ढंगले हत्या गरी कोशी नदीमा फालिएको अवस्थामा एक युवकको शव फेला परेको छ ।

हत्या गरी फालिएको शव फेला

महेन्द्रनगर इलाका प्रहरी कार्यालयका अनुसार वराहक्षेत्र नगरपालिका–६ चक्रघट्टी ठाकुरवाडी बस्ने २२ वर्षीय सुरेन्द्र माझीको शव फेला परेकाे हाे ।


आइतबार साँझ घरफर्कने बेलामा गोठालाहरुले कोशी किनारको ३ नम्बर स्परमा पानीमा शव देखेपछि प्रहरीलाई खबर गरेका थिए ।


माझीको छाती, मुटु, टाउको, कोखा र पेटमा १७/१८ स्थानमा भालाले हानेको गहिरो घाउ भेटिएको प्रहरीले जनाएको छ । हत्याको कारण अझै खुल्न सकेको छैन । पोस्टमार्टमको लागि धरानस्थित वीपी कोइराला स्वास्थ्य विज्ञान प्रतिष्ठानमा पठाएको छ । घटनाको छानबिनका लागि चक्रघट्टीका एक युवकलाई नियन्त्रणमा लिएको प्रहरीले जनाएको छ ।

प्रकाशित : भाद्र २५, २०७५ ०९:१५
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?