बालिका बलात्कारको आरोपमा पक्राउ

प्रदीप मेन्याङ्बो

सुनसरी — १४ वर्षीया बालिकालाई बलात्कार गरेको आरोपमा सुनसरीको गढी गाँउपालिका–८ छिटाहाका प्रमोद चौधरी पक्राउ परेका छन् । 

गत आइतबार इटहरी–९ बसपार्कस्थित गोधुली होटलमा एक १४ वर्षीया बालिकालाई बलात्कार गरेको आरोपमा प्रहरीले पक्राउ गरेको हो। पक्राउ परेका चौधरीलाई इटहरी इलाका प्रहरी कार्यालयको हिरासतमा राखेर जिल्ला अदालतबाट म्याद थप गरी अनुसन्धान शुरू गरिएको छ।

Yamaha

पीडितका आफन्तले बालिकालाई प्रलोभन देखाएर चौधरीले होटलमा ल्याएर जबरजस्ती गरेको उजुरीका आधारमा पक्राउ गरेको प्रहरीले जनाएको छ।

प्रकाशित : आश्विन २५, २०७५ ११:५४
प्रतिक्रिया
पठाउनुहोस्
ADVERTISEMENT

बलात्कार आरोपमा युवक पक्राउ 

हरि गौतम

रुकुम पश्चिम — महिलालाई जबरजस्ती करणी गरेको अभियोगमा प्रहरीले एक युवालाई पक्राउ गरेको छ । पुथाउत्तरगंगा गाउँपालिका–५ हुकाम रुकुमपूर्वका ३० वर्षीय सविन भनिने सुविन्द्र घर्ती मगरलाई प्रहरीले पक्राउ गरेको हो ।


बाँफिकोट गाउँपालिका घर भइ मुसीकोट नगरपालिका–१ मा डेरा गरी बस्ने ३० वर्षीया एक महिलालाई बलात्कार गरेको अभियोगमा घर्ती पक्राउ परेको जिल्ला प्रहरी प्रमुख प्रहरी नायब उपरीक्षक सुमित खड्काले बताए।

गत सोमबार राति १२ बजे जबरजस्ती करणी गरेका घर्ती मंगलबार बिहान साढे १ बजे पक्राउ परेका थिए। घरमा बलेका सबै बत्ति निभाएर चुकुल खोलेर घर्ती महिलाको कोठामा प्रवेश गरेको प्रहरीले बताएको छ। जबरजस्ती करणी गरेको सूचना पाए लगत्तै परिचालन भएको प्रहरीले घर्तीलाई पक्रेको थियो। घर्तीको साथबाट पीडित महिलाको एउटा मोबाइल सेट र नगद १६ हजारसमेत बरामद गरिएको डिएसपी खड्काले बताए।

प्रहरीले घर्तीलाई बिहीबार बिहान पत्रकार सम्मेलनमार्फत सार्वजनिक गरेको छ। पीडित महिलाले आफूमाथि जबरजस्ती करणी गरेको तथा २० हजार नगद चोरेको उजुरी दिएकी छिन्। घर्तीविरुद्ध जबरजस्ती करणी उद्योगमा मुद्दा दर्ता गरी थप अनुसन्धान भइरहेको प्रहरीले जनाएको छ।

प्रकाशित : आश्विन २५, २०७५ ११:५१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT