बालिका बलात्कारको आरोपमा पक्राउ
सुनसरी — १४ वर्षीया बालिकालाई बलात्कार गरेको आरोपमा सुनसरीको गढी गाँउपालिका–८ छिटाहाका प्रमोद चौधरी पक्राउ परेका छन् ।
गत आइतबार इटहरी–९ बसपार्कस्थित गोधुली होटलमा एक १४ वर्षीया बालिकालाई बलात्कार गरेको आरोपमा प्रहरीले पक्राउ गरेको हो । पक्राउ परेका चौधरीलाई इटहरी इलाका प्रहरी कार्यालयको हिरासतमा राखेर जिल्ला अदालतबाट म्याद थप गरी अनुसन्धान शुरू गरिएको छ ।
पीडितका आफन्तले बालिकालाई प्रलोभन देखाएर चौधरीले होटलमा ल्याएर जबरजस्ती गरेको उजुरीका आधारमा पक्राउ गरेको प्रहरीले जनाएको छ ।
प्रकाशित : आश्विन २५, २०७५ ११:५४