सामाजिक सञ्जालबाट ठग्ने पक्राउ

पक्राउ पर्नेमा भारतको बिहारका मनोजकुमार ठाकुर, चन्दनकुमार भगत, पंकजकुमार साह, मोरङ कटहरीका खगेन्द्रप्रसाद रौनियार, प्रेमकुमार साह, रमेशकुमार साह र जहदाका टुनटुन साह छन् । उनीहरुले विभिन्न व्यक्तिबाट १६ लाख ५७ हजार रुपैयाँ ठगी गरेको प्रहरीले जनाएको छ ।

उनीहरुले चिठ्ठा परेको भन्दै विभिन्न व्यक्तिहरुलाई रकम प्राप्त गर्नका लागि बैंकिङ प्रक्रिया, कर र सेवा शुल्कलगायत कामका लागि निश्चित रकम जम्मा गर्न लगाएर ठगी गरेको प्रहरीको भनाइ छ ।

उनीहरुको साथबाट केही नगद, मोइबल र न्यू क्राइम २४ डट कम नामक संस्थाबाट जारी गरिएको ‘प्रेस रिपोर्टर’ परिचयपत्र फेला पारेको प्रहरीले जनाएको छ । मुलुकी अपराध संहिता २०७४ बमोजिम म्याद थप गरी उनीहरुमाथि थप अनुसन्धान भइरहेको प्रहरीले जनायो ।