१२ वर्षीया बालिकालाई करणी गर्ने पक्राउ
दमक — १२ वर्षीया बालिकालाई जबरजस्ती करणी गरेको आरोपमा दमकबाट एक युवक पक्राउ परेका छन् ।
पक्राउ पर्नेमा पाँचथरको फाल्गुनन्द गाउँपालिका–६ घर भई हाल दमक–३ मा डेरा गरी बस्ने २५ वर्षीय दीपक धमला रहेका छन् ।
उनले बालिकालाई ललाईफकाई नजिकैको हम्सेदुम्से सामुदायिक जंगलमा लगेर करणी गरेको प्रहरीले जनाएको छ ।
बालिकालाई करणी गरेको थाहा पाएपछि स्थानीयले प्रहरीलाई खबर गरेका थिए । धमलालाई सोमबार राति ८ बजे घटनास्थल नजिकैबाट पक्राउ गरेको दमक प्रहरीले जनाएको छ ।
पीडित बालिकाको मेची अञ्चल अस्पताल भद्रपुरमा स्वास्थ्य परीक्षण गरिएको छ । पक्राउ परेका धमलालाई थप अनुसन्धान भइरहेको प्रहीले जनाएको छ ।
प्रकाशित : मंसिर ४, २०७५ १७:००प्रतिक्रिया