ट्रकको ठक्करबाट बाबुछोराको मृत्यु
दमक — भारतीय मालबाहक ट्रकले ठक्कर दिदा मंगलबार दिउँसो झापाको दमक नगरपालिकामा बाबुछोराको मृत्यु भएको छ ।
दिउसो साढे १ बजे दमकको पश्चिम बस स्टेण्डमा ट्रकको ठक्करबाट मोटरसाइकलमा सवार मोरङ पथरीशनिश्चरे नगरपालिका ९ का ६३ वर्षीय धनप्रसाद गिरी र उनका २९ वर्षीय छोरा हेमचन्द्र गिरीको मृत्यु भएको हो । मोटरसाइकल छोरा हेमचन्द्रले चलाएका थिए भने बुबा धनप्रसाद पछाडि सवार थिए ।
पूर्वबाट पश्चिम जाँदै गरेको एचआर २७ जे ०६२५ नम्बरको भारतीय मालबाहक ट्रकले एकै दिशामा रहेको को ३३ प ७९४५ नम्बरको मोटरसाइकललाई ठक्कर दिएको थियो । ठक्करबाट गम्भीर घाइते बाबुछोराको दमकस्थित लाइफ लाइन अस्पतालमा उपचारका क्रममा मृत्यु भएको इलाका प्रहरी कार्यालय दमकका प्रहरी निरीक्षक खगेन्द्र एक्तेनले बताए ।
ठक्कर दिने ट्रक र त्यसका चालकलाई प्रहरीले नियन्त्रणमा लिएको छ ।
प्रकाशित : मंसिर २५, २०७५ १६:१३