महाभारामा शंकास्पद वस्तु भेटियो
दमक — झापाको गौरीगञ्ज गाउँपालिका १ महाराभामा शंकास्पद वस्तु फेला परेको छ । महाभारास्थित युनिभर्सल एकेडेमी नजिकैको बाँस झ्याङमा शंकास्पद वस्तु फेला परेको वडाध्यक्ष कार्तिकलाल राजवंशीले जानकारी दिए ।
बाँस झ्याङभित्र बोतलमा कालो प्लाष्टिकले बेरेको, संगै ब्याट्री र त्यहाँ तार समेत जडान गरेको अवस्थामा रहेको उनले बताए ।
स्थानीय बसन्त राजवंशी र गणेश राजवंशीले बुधबार दिउँसो बाँस काट्न गएको बेला उक्त वस्तु देखेर प्रहरीलाई खबर गरेको वडाध्यक्ष राजवंशीले बताए । अहिले उक्त स्थानलाई प्रहरीले सुरक्षित राखेको इलाका प्रहरी कार्यालय झिलझिलेका प्रहरी निरीक्षक कैलास राईले बताए ।
प्रकाशित : माघ २३, २०७५ १४:०१प्रतिक्रिया