जिप दुर्घटनामा एकको मृत्यु, १० घाइते
उदयपुर — उदयपुरको उदयपुरगढी गाँउपालिका १ विष्णुचौरमा बोलेरो जिप दुर्घटना हुँदा एकजनाको मृत्यु भएको छ । १० जना घाइेत भएका छन् ।
जिल्ला प्रहरी कार्यालय उदयपुरका एसपी चन्द्रदेव राईका अनुसार साेमबार राति कटारीबजारबाट मुरमे गइरहेको स१ज ५०६ नम्वरको बोलेरो जिप दुर्घटना भएको हो।
दुर्घटनामा उदयपुरगढी गाँउपालिका १ मुर्मेकी ४५ वर्षे केसीमाया परिवारको मृत्यु भएको राईले बताए । जिपमा सवार तीनजना गम्भीर घाइते भएको र अन्य सामान्य घाइते रहेकाे राईले जानकारी दिए। उकालोमा भार तान्न नसकेर जिप सडकबाट झण्डै तीनसय मिटर तल खसेको स्थानीयले बताए।
प्रकाशित : वैशाख ३, २०७६ ०८:३४प्रतिक्रिया
