महिलामैत्री कृषि हाटबजार

कान्तिपुर संवाददाता

तेह्रथुम — मोराहाङ बजारमा महिलामैत्री कृषि हाटबजार स्थल निर्माण भएपछि गाउँभरिका कृषक महिलालाई आफूले उत्पादन गरेको कृषि उपज बिक्रीका लागि सजिलो भएको छ । 

तेह्रथुमको मेन्छ्यायाम गाउँपालिका मोराहाङका महिला कृर्षकले बनाएको महिलामैत्री कृषि हाटबजारस्थल । तस्बिर ः चन्द्र कार्की/कान्तिपुर 

यसको निर्माण महिलाको सक्रियतामा भएको हो । यहाँ महिलाहरूले उत्पादन गरेका कृषि उपज बिक्री गरिन्छ ।

Citizen


युरोपियन कमिसनको सहयोगमा यो हाट बनेको हो । मोराहाङको देउराली सोसाइटी महिला समूहको सहजीकरणमा २ वर्षअघि महिलाहरूकै अगुवाइमा मोराहाङ कृषि उपज बजार सञ्चालक समिति गठन भयो । समितिको नेतृत्व स्थानीय शान्तिला खापुङले गरेकी थिइन् । ९ जना समिति सदस्यमध्ये सात जना सदस्य महिलाहरू नै छन् । ४ लाख ३८ हजारको लागतमा टहरा निर्माण भएको समिति कोषाध्यक्ष्ा प्रेमलता गौतमले बताइन् । त्यसका लागि २ लाख तत्कालीन जिल्ला कृषि विकास कार्यालय, १ लाख २० हजार रुपैयाँ देउराली सोसाइटी र नपुग बाँकी रकम मोराहाङबासीले सहायोग जुटाएका थिए ।

महिलाहरूकै अगुवाइमा गठन भएको समिति कृषि ज्ञान केन्द्र सम्पर्क कार्यालयमा दर्ता भएको छ । समिति दर्तापछि कृषि विकास कार्यालयबाट पनि महिलाहरूले समय समयमा आवश्यक सरसल्लाह पाइरहेका छन् । महिला किसान र उनीहरूले उत्पादन गरेको कृषि उत्पादनलाई लक्षित गरी निर्माण गरीएको टहरामा पछिल्लो समय पुरुष किसान र व्यापारीले समेत आफ्नो कृषि उत्पादन ल्याएर विक्री गरिरहेको कृषि ज्ञान केन्द्र धनकुटाका प्राविधिक रामजुगन यादबले बताए । टहरा निर्माण भएपछि पानी पर्दा र चर्को घाम लाग्दा समेत आफ्नो उत्पादन विक्री गर्न आफु जस्ता धेरै किसानलाई सजिलो भएको मेन्छ्यायाम गाउँपालिका ४ की कृषक उमादेवी भटराईले वताईन् ।

कृषि उपजको बजार मूल्यमा एकरूपता कायम राख्न समितिले प्रत्येक हप्ता कृषि उपजको वजारमा विक्री मूल्य तोकेर त्यही रहेको सूचना पार्टीमा टाँस गर्छ । यसरी कृषि उपजको मूल्य तोकेर सार्वजनिक स्थानमा टाँस गर्ने शैली जिल्लामै पहिलो पटक यहाँको कृषि उपज हाटबजार सञ्चालक समितिले गरेको हो । सवैले देख्ने गरी कृषि उपजको बजार मूल्य निर्धारण गर्दा कुनै पनि किसान र उपभोक्ता मर्कामा नपर्ने र आर्थिक पारदर्शिता समेत बढेर जाने समिति अध्यक्ष खापुङले बताइन् ।

प्रकाशित : वैशाख ४, २०७६ ११:४९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

चन्दलाई मूलधारमा ल्याउन प्रयत्न भइरहेको छ : गृहमन्त्री

नगेन्द्र अधिकारी

हेटौंडा — गृहमन्त्री रामबहादुर थापाले नेत्रविक्रम चन्द नेतृत्वको नेकपा माओवादीलाई मूलधारमा ल्याउन अझै पनि प्रयत्न भइरहेको बताएका छन् । 

सुरक्षा गोष्ठीमा सहभागी हेटौंडा आएका गृहमन्त्री थापाले ध्वसांत्मक गतिविधिमा लागेकोले नियन्त्रण गर्न मात्रै खोजिएको दाबी गरे ।

'राज्य विद्रोही समूह, अझ स्पष्ट भन्दा विप्लव समुहलाई हिजो पनि वार्ता कमिटी नै मूलधारमा ल्याउन प्रयत्न भएको हो,' उनले भने, ' वार्ता मार्फत मूलधारमा ल्याउन फेरी पनि प्रयत्न जारी छ, संविधान विपरित ध्वंसात्मक गतिविधि गर्न कसैलाई पनि छुट छैन ।' असंवैधानिक र गैरकानूनी कार्य गरेकोले उसका नेता कार्यकर्तालाई पक्राउ गरेको दाबी गृहमन्त्री थापाले गरे । संविधान र राज्यविरोधी गतिविधि नियन्त्रण गर्न सरकार धेरै हदसम्म सफल भएको उनले दाबी गरे ।

प्रदेश ३ का १३ जिल्लाका प्रमुख जिल्ला अधिकारी, सुरक्षा निकायका प्रमुखसहितको गोष्ठीमा प्रहरी महानिरिक्षक सर्वेन्द्र खनाल, शसस्त्र प्रहरी बलका महानिरिक्षक शैलेन्द्र खनाल, राष्ट्रिय अनुसन्धानका महानिर्देशक गणेश अधिकारी लगायतले प्रस्तुति दिएका थिए । आज १३ वटै जिल्लागत प्रस्तुति हुनेछ । आज गृहमन्त्री थापाले सबै जिल्लाको ब्रिफिङ सुनेर निर्देशन दिनेछन् । नेत्रविक्रम चन्द नेतृत्वको नेकपा माओवादी लगायतका समूहका कारण सिर्जित सुरक्षा चुनौतीबारे गोष्ठीमा छलफल भइरहेको छ ।

प्रकाशित : वैशाख ४, २०७६ १०:५५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT