छुट्टाछुट्टै घटनामा दुईको मृत्यु
ताप्लेजुङ — ताप्लेजुङमा छुट्टाछुट्टै घटनामा दुईजनाको मृत्यु भएको छ । खोलामा माछा मार्ने क्रममा डुबेर सिरिजंघा गाउँपालिका ३ सिकैंचा कुञ्जारिका २१ वर्षीय अजय बोखिमको मृत्यु भएको छ ।
उनको शव पोष्टमार्टमकालागि जिल्ला अस्पताल ल्याउँदै गरेको र घटनाको थप अनुसन्धान भइरहेको प्रहरी नायव उपरीक्षक सञ्जयसिंह थापाले जानकारी दिए ।
यसैगरी पाथीभरा दर्शनकालागि हिँडेका धरान उपमहानगरपालिका ४ का अमेरिकन लिम्वू लावतीको उपचारको क्रममा मृत्यु भएको पाथीभरा क्षेत्र विकास समितिका सदस्य सचिव उदय भट्टराईले बताए । भट्टराईका अनुसार माथिल्लो फेदीमा पुगेपछि बिहीबार उनी बिरामी भएका थिए । त्यहाँबाट फर्काएर उनलाई जिल्ला अस्पतालमा उपचारकालागि ल्याइएको र उपचारकै क्रममा मृत्यु भएको भट्टराइले बताए ।
प्रकाशित : वैशाख ६, २०७६ ०९:४४प्रतिक्रिया