दार्जिलिङ विधानसभा उपनिर्वाचनका कारण नाका सिल

इलाका प्रहरी कार्यालयका काँकडभिट्टाका डिएसपी महेश थापाले झापाको काँकडभिट्टा-पानीट्यांकी र इलामको पशुपति-मिरिक नाका दुई दिन बन्द बताए । उनका अनुसार शनिवार साँझ बन्द भएर सोमबार बिहान मात्रै नाका पुनः सञ्चालनमा आउने छ ।

भारतीय सुरक्षा अधिकारीले खुला नाकाका कारण निर्वाचनमा हुन सक्ने अवान्छित गतिविधि नियन्त्रणका लागि बन्द गर्नु परेको बताएका छन् । 'आइतबार नाका ठप्प रहने छ', ती अधिकारीले भने,'सवारी साधन र मानिस आवागमनमा समेत रोक लगाइने छ ।'