टिपर दुर्घटनामा दुईजनाकाे मृत्यु          

ना७ ख ७००० नम्बरको टिपर अनियन्त्रित भएर दुर्घटना हुँदा सिन्धुलीको दुधौली नगरपालिका ११ बस्ने सहचालक २० वर्षीय लिलाबहादुर सार्की र सोही टिप्परमा सवार कटारी नगरपालिका ५ भोर्ले बस्ने ३० वर्षीय डिक बहादुर बुढाथोकीको घटनास्थलमै मृत्यु भएको हाे ।

टिपर रानी डाँडाबाट करिब १ किलो मिटर तल खसेको छ भने मृतकहरुको शव करिब ७ सय मिटरमा अड्किएका थिए । टिपर टुक्रा टुक्रा परेको अवस्थामा रहेको जिल्ला ट्राफिक प्रहरी कार्यालय उदयपुरका इन्चार्ज दिनेश कुमार चौधरीले जानकारी दिए ।

शव निकाल्नको लागि कटारीबाट प्रहरी परिचालन गरिएको इन्चार्ज चौधरीले बताए । उनका अनुसार टिपर चालक मृतक सहचालकका बुबा हर्क मिजार सार्की हाम फालेर बाँचेका छन् ।