खोलामा डुबेर दुई बालकको मृत्यु

नगरपालिकाको २ र ३ वडाको सिमनामा पर्ने उक्त खोलामा सोमबार अपरान्ह नुहाउने क्रममा उनीहरु डुबेका थिए । पौडी खेल्नेक्रममा सुरुमा गौरव डुबेपछि साथमा रहेका अन्यले निकाल्ने प्रयास गर्दा अमिर पनि डुबेका थिए । करिब १० जना बालक पौडी खेल्न त्यहाँ गएको प्रहरीले जनाएको छ । बेहोस अवस्थामा उद्धार गरिएका गौरवको सुरुमा हिलेस्थित विजय हस्पीटलमा उपचारका लागि लगिएको थियो । थप उपचारका लागि जिल्ला अस्पताल पुर्याएपछि उनको मृत्यु भएको हो ।

खोलामा डुबेर बेपत्ता भएका अमिर मृत अवस्थामा मंगलबार फेला परेको जिल्ला प्रहरी प्रमुख सुरेन्द्रबहादुर गुरुङले बताए । घटनास्थलमा मारेककटहरे प्रहरी चौकीबाट खटिएको प्रहरीले उद्धार गरेका थिए । दुवैको शव जिल्ला अस्पतालमा पोस्टमार्टम गरी परिवारलाई जिम्मा लगाइएको छ ।