अवरुद्ध सडक पाँचौ दिनमा खुल्यो

वर्षाका कारण सिरिजंघा १ सिनाममा पहिरो झरेको थियो । सडक अवरुद्ध भएपछि कञ्चनजंघा क्षेत्र र गाउँपालिका केन्द्र जाने र फर्कने यात्रुलाई समस्या भएको थियो । यो सडक भएर झापा बिर्तामोड र सदरमुकाम फुङलिङवाट सवारि चल्ने गरेका छन् ।

पाँचथरको फिदिम, इलाम पनि यही मार्ग भएर जान्छ । याम्फुदिन, मामांखे, खेवाङवाट आउने यात्रुलाई पहिरोका कारण समस्या भएको थियो । यो ठाउँ कच्चा भएकाले सडक घुमाउने प्रयास भइरहेको अध्यक्ष गुरुङले बताए ।