विराटनगरमा प्रदेशस्तरीय कृषि उद्यम केन्द्र स्थापना

कान्तिपुर संवाददाता

विराटनगर — नेपाल उद्योग वाणिज्य महासंघअन्तर्गत प्रदेशस्तरीय कृषि उद्यम केन्द्र स्थापना गरिएको छ । महासंघ अध्यक्ष भवानी राणाले महासंघ प्रदेश १ समितिको सचिवालयमा उक्त केन्द्रको बिहीबार उद्घाटन गरिन् ।

२८ वर्षदेखि नेपाल सरकारसँगको सहकार्यमा कृषि उद्यम केन्द्रले कृषि क्षेत्रमा काम गर्दै आइरहेकामा देश संघीयतामा गइसकेपछि त्यसैअनुसार सातै प्रदेशमा केन्द्र स्थापना गर्न लागिएको राणाले बताइन् । प्रदेश १ को राजधानी विराटनगरको बरगाछीमा स्थापना गरिएको केन्द्र पहिलो भएको उनले बताइन् ।

महासंघ प्रदेश समिति अध्यक्ष नरेन्द्रकुमार खड्काले कृषि क्षेत्रमा व्यावसायिक उत्पादन, प्रशोधन, बजारीकरणका माध्यमबाट रोजगार, स्वरोजगारको संख्या वृद्धि गरी हालको परनिर्भरताको अवस्थालाई आयात प्रतिस्थापनका माध्यमबाट कम गर्दै लैजानुपर्नेमा जोड दिए ।

प्रदेश सरकार, महासंघको प्रदेश समितिबीच सार्वजनिक निजी साझेदारी कार्यक्रम सञ्चालन गर्न गत माघमा आर्थिक मामिला तथा योजना मन्त्री इन्द्र आङ्बो र महासंघ अध्यक्ष राणाबीच समझदारी पत्रमा हस्ताक्षर भएअनुसार कृषि उद्यम केन्द्रको स्थापना गरिएको हो ।

कृषि तथा कृषिजन्य वस्तुहरुसँग सम्बन्धित सबै क्रियाकलापहरु आपूर्ति, उत्पादन, प्रशोधन, पारवहन तथा बजार व्यवस्थापन जस्ता काममा केन्द्रले सघाउने जनाइएको छ ।

प्रकाशित : श्रावण २, २०७६ १७:३५
प्रतिक्रिया
पठाउनुहोस्
ADVERTISEMENT

मुगुमा ६ करोड बजेट फ्रिज 

कान्तिपुर संवाददाता

मुग — जिल्लामा गत चालु आर्थिक वर्षमा संघ र प्रदेश गरी ६ करोड ९२ लाख २ हजार पुँजीगत बजेट फ्रिज गएको छ ।

संघ प्रदेशको कुल बजेट ३१ करोड ६८ लाख ५ हजारमध्ये २४ करोड ७६ लाख २ हजार खर्च भएका र ६ करोड ९२ लाख २ हजार पुँजीगत बजेट फ्रिज गएको कोष तथा लेखा नियन्त्रक नन्दारा कँडेलले बताए ।

अघिल्लो वर्ष ८९ प्रतिशत बजेट खर्च भएको थियो । गत वर्ष ७८ प्रतिशत बजेट खर्च भएको लेखा नियन्त्रक कँडेलले बताए ।

प्रकाशित : श्रावण २, २०७६ १७:३०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT