सहिदका नामको रकम अन्यत्र

तर, गाउँपालिकाले रकमान्तर गरी सहिदको नामको रकम माटो परीक्षणका लागि दिएको हो । सहिद राम प्रधान स्मृति केन्द्रले माटो परीक्षण शिविर सञ्चालनका लागि गत पुस २६ गते सम्झौता गरेको थियो । उपभोक्ताका तर्फबाट शर्मानन्द घिमिरे र गाउँपालिकाका तत्कालीन प्रशासकीय अधिकृत छविलाल खतिवडाले सम्झौता गरी कृषि शाखामार्फत स्टिमेट बनेको थियो ।

बुद्धशान्ति १ का वडाध्यक्ष भीमकुमार नेवारका अनुसार वडा कार्यालय र जनप्रतिनिधि समेतलाई थाहै नदिई सहिदको नामको १ लाख रुपैयाँ माटो परीक्षणका लागि सम्झौता भएको बताए । उनले भने, ‘केही नेताहरूको तजबिजीका आधारमा बजेट रकमान्तर गरिएको देखियो ।’ यस विषयमा सहिद परिवार समेत बेखबर रहेको उनले बताए ।