प्रदेश २ को सभामुखमा सरोजकुमारको उम्मेदवारी
धनुषा — प्रदेश २ को सभामुखका लागि फोरम-राजपा गठबन्धनको तर्फबाट सरोजकुमार यादवले उम्मेदवारी दर्ता गराएका छन् ।
सभामुख पदमा उम्मेदवारी दर्ता गराएका राजपा सांसद यादवको प्रस्तावकमा राजपाका संसदीय दलका नेता जतेन्द्र सोनर र समर्थकमा संघिय समाजवादी फोरमका संसदीय दलका नेता लालबाबु राउत रहेका छन् ।
सभामुखका लागि दिउँसो २ बजेसम्म उम्मेदवारी दर्ताको समय तोकिएको छ ।
प्रदेश २ को मुख्य मन्त्री फोरम र सभामुख राजपाले बाडफाँड गरी दुई दलले गठबन्धन बनाएको हो ।
प्रकाशित : फाल्गुन १, २०७४ १२:२१प्रतिक्रिया