पत्रकार पासवानलाई 'गोपाल गोतामे पुरस्कार' 

पुरस्कृत हुने पासवान सप्तरीबाट प्रकाशित कञ्चनपुर साप्ताहिकका सम्पादक तथा लेखक हुन् ।

कार्यक्रममा बोल्दै मेयर सरावगीले तत्कालीन अवस्थामा पञ्चायत शासनविरुद्ध लडेर जनमुखी पत्रकारिता गरेका गोपाल गोतामेलाई बिर्सन नसकिने बताए । उनले प्रतिष्ठानलाई जीवन्त राख्न आफ्नो तर्फबाट सहयोग हुने आश्वासन दिए । सांसद प्रदीप यादवले लोकतन्त्रको पक्षमा कलम चलाएर गोपाल गौतमले नाम कमाएको र पत्रकारिता पेसालाई एउटा उचाइमा पुर्‍याएको भन्दै प्रशंसा गरे ।

प्रमुख जिल्ला अधिकारी विनोदप्रकाश सिंहले क्याम्पसमा अध्ययन गर्दा मातृभूमि पत्रिकाको पछाडिको पानामा गोपालचन्द्र गौतमको लेख अध्ययन गरेको सुनाए । उनले त्यतिखेरका चर्चित पत्रकारको नाममा स्थापित पुरस्कार मधेसमा दलितहरुको पीडा बुझेका व्यक्तिलाई प्रदान गरेकोमा खुसी व्यक्त गरे ।

प्रतिष्ठानका अध्यक्ष जगदीशप्रसाद शर्माको अध्यक्षतामा सम्पन्न कार्यक्रममा उपाध्यक्ष चन्द्रकिशोर झाले कार्यक्रमको उद्देश्यमाथि प्रकाश पारेका थिए । कार्यक्रममा पत्रकार गौतमको बारेमा प्राध्यापक बालगोपाल थापाले आफ्नो स्मरण सुनाएका थिए ।