प्रदेश २ का सभामुखले हिन्दी भाषामा लिए शपथ

यसअघि प्रदेशसभा बैठकमा राष्ट्रिय जनता पार्टीका संसदीय दलका नेता जीतेन्द्रप्रसाद सोनारले संसद बैठकमा राजपाको तर्फबाट प्रदेश संसद रहेका यादवलाई सभामुखमा निर्वाचित गरियोस् भन्ने प्रस्ताव पेस गरेका थिए । संघीय समाजवादी फोरम संसदीय दलका नेता एवम् मुख्यमन्त्री लालबावु राउतले समर्थन गरेका थिए ।

सभामुख पदमा यादवको एकमात्र उम्मेदवारी परेकोले राजपाको तर्फबाट यादव सभामुखमा निर्विरोध निर्वाचित भएका प्रदेशसभाका जेष्ठ सदस्य लगनलाल चौधरीले घोषणा गरेका थिए । सभामुख चयन भएपछि यादवले अबको बाटो चुनौतीपूर्ण रहेको भन्दै सबै दललाई मिलाएर अघि बढ्ने प्रतिबद्धता जनाए ।

बैठकले उपसभामुखको निर्वाचन फागुन ४ गतेको लागि तोकेको छ । उपसभामुखको लागि निर्वाचन प्रदेश संसद् सचिवालयले कार्यतालिका प्रकाशित गरेको छ ।