प्रदेश २ का सभामुखले हिन्दी भाषामा लिए शपथ

सन्तोष सिंह

धनुषा — प्रदेशसभा २ का सभामुख सरोजकुमार यादवले प्रदेश प्रमुख रत्नेश्वरलाल कायस्थबाट ईश्वरको नाममा शपथ लिएका छन् । प्रदेश २ मा हिन्दी भाषाको विरोध भइरहेको बेला सभामुख यादवले हिन्दी भाषामा शपथ लिएका हुन्न् ।

यसअघि प्रदेशसभा बैठकमा राष्ट्रिय जनता पार्टीका संसदीय दलका नेता जीतेन्द्रप्रसाद सोनारले संसद बैठकमा राजपाको तर्फबाट प्रदेश संसद रहेका यादवलाई सभामुखमा निर्वाचित गरियोस् भन्ने प्रस्ताव पेस गरेका थिए । संघीय समाजवादी फोरम संसदीय दलका नेता एवम् मुख्यमन्त्री लालबावु राउतले समर्थन गरेका थिए ।

Yamaha

सभामुख पदमा यादवको एकमात्र उम्मेदवारी परेकोले राजपाको तर्फबाट यादव सभामुखमा निर्विरोध निर्वाचित भएका प्रदेशसभाका जेष्ठ सदस्य लगनलाल चौधरीले घोषणा गरेका थिए । सभामुख चयन भएपछि यादवले अबको बाटो चुनौतीपूर्ण रहेको भन्दै सबै दललाई मिलाएर अघि बढ्ने प्रतिबद्धता जनाए ।

बैठकले उपसभामुखको निर्वाचन फागुन ४ गतेको लागि तोकेको छ । उपसभामुखको लागि निर्वाचन प्रदेश संसद् सचिवालयले कार्यतालिका प्रकाशित गरेको छ ।

प्रकाशित : फाल्गुन २, २०७४ १७:३६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

एकताको विषयलाई अन्तिम रुप दिन एमाले-माओवादी असफल, भोलि पुन: बैठक

कान्तिपुर संवाददाता

ललितपुर — पार्टी एकताको विषयलाई अन्तिम रुप दिन भन्दै बुधबार बसेको एमाले-माओवादी बैठक बिनानिष्कर्ष सकिएको छ ।

ललितपुरको मानभवनमा बसेको पार्टी एकता संयोजन समिति बैठक बिहीबार पुन: बस्ने गरी टुंगिएको माओवादी केन्द्रका नेता नारायणकाजी श्रेष्ठले जानकारी दिए। उनका अनुसार शीर्ष नेताले प्रस्तुत गरेको एजेन्डामा गम्भीर र सकारात्मक छलफल भएको छ। उनले भोलि थप छलफल गरेर अन्तिम रुप दिइने बताए।

एकता संयोजन समितिको बैठक अघि एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहालबीच छलफल भएको थियो।

श्रेष्ठका अनुसार एकीकृत पार्टीको वैचारिक राजनीति विषय, संगठनात्मक संरचना र सरकार गठनलगायत विषय छलफल भएको थियो। निर्वाचन आयोगले राष्ट्रियसभाको सभानुपातिकतर्फको परिणाम राष्ट्रपतिसमक्ष बुझाएकोले नयाँ सरकार गठनको बाटो खुलेको छ। नेता श्रेष्ठले भोलिको बैठकमा सरकार गठनबारे पनि छलफल हुने जानकारी दिए।

मानभवनमा रहेको शारदा अधिकारीको घरमा अपराह्न करिब ५ बजेदेखि संयोजन समिति बैठक बसेको थियो। एकीकृत पार्टी संयुक्त नेतृत्व प्रणालीमा अगाडि लैजानेमा दुवै पार्टीका नेताहरु करिब सहमत भइसकेका छन्।

सरकार गठनअघि नै पार्टी एकता घोषणाको तयारीमा रहेका एमाले-माओवादीले बुधबार दिउँसो पनि आन्तरिक गृहकार्य गरेका थिए। एमाले स्थायी कमिटी बैठकले अध्यक्ष ओलीलाई भावी प्रधानमन्त्रीको उम्मेदवार बनाउने निर्णय गरेको थियो। साथै बैठकमा पार्टी एकताको प्रगतिबारे ओलीले ब्रिफिङ गरेका थिए।माओवादीको पनि केन्द्रीय कार्यालय बैठक बसेको थियो।

प्रकाशित : फाल्गुन २, २०७४ १७:३०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT