हतियारसहित तीन भारतीय पक्राउ 

गौर नगरपालिका-२ स्थित मुन्ना होटलबाट भारत बिहार राज्य मुजफरपुर जिल्ला हरसेर ग्रामपञ्चायत-१ कोदरियाका मदन कुशवाहा, घोसउत ग्रामपञ्चायत-१ स्वर्ण माधोपुरका दिनेशप्रसाद कुशवाहा र मानिर ग्रामपञ्चायत-२ गदाईका अजयप्रसाद कुशवाहालाई पक्राउ गरिएको जिल्ला प्रहरी प्रमुख एसपी यज्ञविनोद पोख्रेलले बताए ।

सादा पोसाकमा खटिएको टोलीले विशेष सुराकीको आधारमा उनीहरुलाई पक्राउ गरेको हो । उनीहरुको साथबाट अटोमेटिक पेस्तोल १ थान, नलकटुवा पेस्तोल एक र एसएलआर बन्दुकमा लाग्ने गोली ३ थान बरामद भएको प्रहरीले जनायो ।

होटलमा बसेर आपराधिक घटनाको योजना बनाइरहेको खबर पाएलगत्तै पुगेको प्रहरीले उनीहरुलाई पक्राउ गरेको हो । खुला सीमाका कारण यहाँ भारतीय आपराधीहरु हतियार बोकेर वारपार गर्छन् ।