मोदीलाई जनकपुरमा अभिनन्दन गर्ने तयारी

मोदीको भ्रमण भव्यताका साथ सफल बनाउन जनकपुरको सरसफाइ, सुरक्षा, मञ्च व्यवस्थापनका लागि बैठक बसेको राउतले बताए । मुख्यमन्त्री राउतले मोदीको भ्रमणका लागि जनकपुरमा गरिने तयारी बारे प्रदेशका मन्त्री, सुरक्षा निकाय, जनकपुर उप–महानगरपालिका मेयर लगायतका सरोकारवालाहरुसँग छलफल गरेका छन् ।

'जनकपुरको बाह्र बिग्हामा भारतीय प्रधानमन्त्रीलाई अभिनन्दन गर्ने कार्यक्रम छ', तयारी बारे जानकारी गराउदै मुख्यमन्त्री राउतले भने,‘मोदीको जनकपुर भ्रमणमा प्रदेश २ का नागरिकलाई सहभागि गराएर सम्मान गर्न हामी विभिन्न समिति र उप समिति बनाएर अगाडि बढने निर्णय गरेका छौ ।’

जनकपुर भ्रमणको क्रममा मोदीले जानकी मन्दिरमा पद दर्शन तथा पुजापाठ र नागरिक अभिनन्दनका लागि प्रदेश सरकारले तयारी थालेको हो । जनकपुरको आकर्षण बढाउन बैठकबाट सबै पक्षले आ–आफनो पक्षबाट भुमिका निर्वाह गरी मोदीको भ्रमण सफल बनाउने निर्णय भएको राउतले जानकारी गराए ।