पानीमा डुबेर दुई बालिकाको मृत्यु

राजपुर–६ का कुडिया टोलकी ७ वर्षीया अनिजा खातुन र ६ वर्षीया सुनैया खातुनको डुबेर मृत्यु भएको हो । गाउँ नजिकको खोलामा नुहाउने क्रममा डुबेर दुबैको ज्यान गएको थियो ।

अनिजा र सुनैया सोमबार दिउँसो घरबाट साथीसँग खोलामा नुहाउन गएका थिए । बालिका बेलुकीसम्म घर नआएपछि अभिभावकले खोजी गरेका थिए । आफन्त र स्थानीयले खोजतलासको क्रममा खोलामा डुबेको अवस्थामा राती दुवैको शव भेटिएको हो ।

मृतक बालिकाको शव पोष्टमार्टमको लागि मंगलबार जिल्ला अस्पताल गौर ल्याइएको छ । घटनाको अनुसन्धान भइरहेको जिल्ला प्रहरीले जनाएको छ ।