धनुषा — प्रदेश २ को सरकारले आर्थिक वर्ष ०७५/७६ को नीति तथा कार्यक्रम बिहीबार सार्वजनिक गर्ने भएको छ ।
दिउँसो २ बजे बस्ने प्रदेशसभा बैठकमा प्रदेश प्रमुख रत्नेश्वर लाल कायस्थले प्रदेशको नीति तथा कार्यक्रम प्रस्तुत गर्ने कार्यक्रम छ ।
प्रदेश प्रमुख कायस्थले नीति तथा कार्यक्रम वाचन गरेर सार्वजनिक गर्ने प्रदेशसभाको कार्यसूची तोकिएको छ ।
प्रदेश २ का मुख्यमन्त्री लालबाबु राउतले प्रदेशसभामा सार्वजनिक गरिने सरकारको नीति तथा कार्यक्रम प्रदेश प्रमुख कायस्थलाई बुधबार हस्तान्तरण गरेका छन् ।
प्रकाशित : जेष्ठ २४, २०७५ ०९:४८