पर्साको वीरगन्ज कारागारमा महिला कैदीहरूबाट चौकीदारले पैसा असुल्ने गरेका छन् । कारागारमा खटिने चौकीदारलाई रकम नबुझाए यातना दिने गरेको कैदी बन्दीहरूले बताएका छन् ।
बागमती र लालबकैया नदी किनारामा विकास निर्माणका नाममा केही व्यावसायीले ढुङ्गा, गिटी र बालुवा निर्यात गर्दै आएका छन् । जिल्लाका विभिन्न स्थानीय तहमा विकास निर्माणको काम भइरहेको मौका छोपी व्यवसायीले खोलामा अवैध दोहन गरिरहेका हुन् ।
पचरौता नगरपालिकाको मेयर र उपमेयरबीच चुनाव जितेदेखि सुर भएको विवाद अहिलेसम्म नसुल्झिँदा यहाँको काम प्रभावित भएको छ । चुनाव भएको वर्ष बित्न लाग्दासमेत दुबैबीचको विवाद नसुल्झिँदा अरू जनप्रतिनिधि हैरान छन् ।
सप्तरीवासीलाई हरेक वर्ष वर्षातमा दु:ख दिने खाँडो नदीको तटबन्धअन्तर्गत जोखिमपूर्ण स्थानमा ‘बोल्डर क्रेटिङ’ गरिएको छ । गतवर्ष बालुवाको बाँध मात्र निर्माण गरिँदा कयौं स्थानमा तटबन्ध कटान भई नदीको बाढी मानव बस्तीमा प्रवेश गरेको थियो ।
२०५० सालमा बागमतीमा आएको बाढीले साविक गढौ र पौराई गाविसका बासिन्दाको घरबारी बगाएर ठूलो विपत्ति ल्यायो । झन्डै ५ सय धुरी बगाएपछि स्थानीयलाई जीवनयापनमा संकट थप्यो ।
घटनाको अनुसन्धान गर्न माग गर्दै आफन्त शव सनाखत गर्न नआएपछि चार दिनअघि आत्महत्या गरेकी एक महिलाको शव अलपत्र परेको छ । गर्मी याममा बाराको कलैयास्थित जिल्ला अस्पताल शवले दुर्गन्धित हुन थालेपछि वीरगन्जस्थित नारायणी उपक्षेत्रीय अस्पताल पुर्याइएको छ ।
भारत सरकारको सहयोगमा सञ्चालित जनकपुर रेल्वे विस्तार तथा स्तरोन्नति परियोजनाको काम अन्तिम चरणमा छ । १० अर्बभन्दा बढीको यो परियोजना दुई वर्ष ढिला भए पनि यस वर्ष (सन् २०१८) भित्र जनकपुरवासीको ब्रोडगेज रेल चढने सपना पूरा हुने छाँट देखिएको छ ।
गर्मीयाम सुरु भएपछि यहाँका दुर्लभ वन्यजन्तु जंगल छाडेर बस्तीमा आउन थालेका छन् । तिनीहरू भने स्थानीय बासिन्दाको निशानामा पर्ने गरेका छन् । बस्तीमा आउने हरिण, मृग, बँदेल लगायत वन्यजन्तुलाई गाउँका सिकारीले विद्युतीय धराप (करेन्ट) लगाउने, गोली हान्ने र घेराबन्दी गरेर धारिलो हतियारले मार्ने गरेका छन् ।