विद्यालयलाई सात लाखको फर्निचर
बारा — ग्रामीण पुनर्निर्माण नेपाल सामुदायिक विकास कार्यक्रमले जिल्लाको फेटा गाउँपालिका ७ गम्हरियास्थित नेरामाविलाई शनिबार ७ लाखको फर्निचर प्रदान गरेको छ ।
संघीय सांसद रामबाबुकुमार यादव, प्रदेश सांसद पारसप्रसाद साहले उक्त फर्निचर प्रदान गरे । ‘विद्यार्थी बोरामा बसेर पढदै थिए ।
फर्निचर अभावको आवश्यकता बुझेर डेस्क, बेन्च, कम्प्युटर टेबल, कुर्सीलगायत वितरण गरिएको छ,’ सामुदायिक विकास कार्यक्रमका जिल्ला संयोजक विपिन दासले भने । १ सय डेस्क, १ सय बेन्च, १० कम्प्युटर टेबल, ३ दराज, २० थान कुर्सीलगायत फर्निचर वितरण गरिएको हो ।
प्रकाशित : असार १०, २०७५ १०:०७प्रतिक्रिया